सार्वजनिक शिक्षा सुधारका लागि नागरिक समाजले पाए क्षमता अभिबृद्धि तालिम

10 महीना पहिले प्रकाशित

Smrititimes

जनकपुरधाम
भदौँ १९ गते ।
सामुदायिक विद्यालयहरुमा निःशुल्क, समावेशी र समतामुलक शिक्षा सुनिश्चितताको लागि मधेश प्रदेशका नागरिक समाजको तिन दिने क्षमता अभिबृद्धि कार्यशाला जनकपुरधाममा सम्पन्न भएको छ । सामुदायिक विद्यालयको शिक्षाको स्तरलाई गुणस्तरीय बनाउन नागरिक समाजको भुमिका महत्वपुर्ण भएपनि बर्तमान अवस्थामा उनिहरुको कार्यदक्षतामा कमि देखिएकाले मधेश प्रदेशका विभिन्न सरोकारबलाहरुको सहभागितामा कार्यशाला सम्पन्न भएको छ ।

कार्यशाला पछि सहभागीहरुले आफ्ना क्षेत्रका सामुदायिक विद्यालयको गुणस्तरीयताका लागि सिप सिकेर गएको आयोजकले जनाएको छ । युरोपियन युनियनको आर्थिक सहयोगमा शिक्षाका लागि राष्ट्रिय अभियान नेपाल(एनसिई)को आयोजनामा एवम् साझेदार संस्था ग्लोवल एक्सन नेपाल तथा नेपाल अपाङग महिला संघको समन्वयमा सम्पन्न भएको सो कार्यशालामा प्रशिक्षक बिमल कु फुयाँल तथा रामचन्द्र पौडेल, एनसिईका कार्यक्रम प्रवन्धक राम गैरेले र्साजनिक शिक्षा सुदृढिकरणको पैरवी तथा अभियानको लागि सहभागीहरुलाई प्रशिक्षण दिनुभएको थियो । कार्यशालाको समापन सत्रको संचालन एनसिईका मधेश प्रदेश संयोजक लक्ष्मेश्वर मंडलले गर्नुभएको थियो भने एनसिईका धनुषा संयोजक कमलेश मंडलको विशेष सहभागिता रहेको थियो । राज्य पक्षको पर्याप्त लगानी भएपनि सामुदायिक विद्यालयहरुको शैक्षिक गुणस्तरीयतामा कमि आउदै गरेकाले सार्वजनिक शिक्षाको सुदृढिकरणका लागि नागरिक समाजको दवावमुलक सहभागिता अपरिहार्य रहेको देखिन्छ ।

सो कार्यशालामा कार्यशालामा एनसिईका सचिव टेकराज अवस्थी लगायतका पदाधिकारी तथा कर्मचारीहरु, नेपाल अपाङग महिला संघका पदाधिकारीहरु,मधेश प्रदेशका विभिन्न जिल्लाका शिक्षक, विद्यालय व्यवस्थापन समितिका अध्यक्ष, शिक्षक अभिभावक संघका पदाधिकारी, अपांगता समन्वय समितिका सदस्य,एनसिई धनुषाका सदस्य संस्थाका पदाधिकारीहरु लगायतका सहभागिता रहेको थियो ।