सशक्त बालिका परियोजनाका सम्बन्धमा अभिम्ुखिकरण सम्पन्न

9 महीना पहिले प्रकाशित

Smrititimes

जनकपुरधाम
भदौँ २५ गते ।
धनुषा जिल्लाको जनकनन्दिनी गाउँपालिकामा संचालित सशक्त बालिका परियोजनाका सम्बन्धमा अहिले सम्मको उपलब्धी तथा चालु आर्थिक वर्षमा संचालन हुने कार्यक्रमका बारेमा सोमबार अभिमुखिकरण कार्यक्रम सम्पन्न भएको छ । सो पालिकाका अध्यक्ष दिपिनदेव यादवको अध्यक्षता तथा उपप्रमुख कमला सहगलको प्रमुख आतिथ्यमा भएको पालिका स्तरीय परियोजना सम्बन्धी अभिमुखिकरण कार्यक्रममा आयोजक सामाजिक विकास र अनुसन्धान केन्द्र, सामुदायिक परिवार कल्याण संघ तथा जानकी महिला जागरण समाजले अहिले सम्मको परियोजनाको अबस्था तथा आर्थिक वर्ष २०८१–८२ मा गरिने कामका विषयमा सहभागीहरुलाई जानकारी गराएका थिए ।

प्लान इन्टरनेसनल नेपालको सहयोग तथा जनकनन्दिनी गाउँपालिकाको समन्वयमा सो पालिकाको वडा नं.३,४ र६ मा संचालित परियोजना अन्तरगत जुलाई २०२३ देखि जुन २०२४ सम्मको कार्यक्रमको उपलब्धी प्रस्तुती र चालु आर्थिक वर्षमा पालिकामा संचालन हुने कार्यक्रमको विनियोजित बजेट पेस र संचालन हुने कार्यक्रमका बारेमा जानकारी दिदै सामाजिक विकास र अनुसन्धान केन्द्रका कार्यक्रम संयोजक बिबश श्रेष्ठले उक्त परियोजना २८ फरबरी २०२५ सम्म संचालन हुने बताउनु भयो ।

त्यस्तै जानकी महिला जागरण समाजका कार्यक्रम संयोजक निकिता सिँह यादवले चालु आर्थिक वर्षमा हुने कार्यक्रमहरुका बारेमा जानकारी गराउनु भयो । त्यसतै सामुदायिक परिवार कल्याण संघका कार्यक्रम संयोजक यमलाल साहशंकरले बाल प्रत्याभुत र सशक्त वालिका परियोजनाको नेतृत्व र निर्णय अन्तरगत एक वर्ष सम्म भएको कामको उपलब्धी र चालु आर्थिक वर्षको बजेटका विषयमा जानकारी गराउनु भएको थियो ।

सो अभिमुखिकरणमा आएका प्रश्नहरुको जवाफ प्लान इन्टरनेसनलका मिहिरकुमार झाले दिनुभएको थियो । सो कार्यक्रममा बोल्दै पालिकाका अध्यक्ष दिपिनदेव यादवले कार्यक्रमलाई थप प्रभावकारी बनाउन पालिकाको सहयोग सधै रहने भन्दै परियोजनालाई दिगो बनाउन पालिकाले समेत बजेट छुट्याउने प्रतिबद्धता व्यक्त गर्नुभयो । त्यस्तै उपाध्यक्ष कमला सहगलले कार्यक्रम प्रभावकारी रहेको भन्दै बाँकी वडाहरुमा समेत यो परियोजना संचालन गर्न आयोजकलाई आग्रह गर्नुभयो । सो अभिुमखिकरणमा सो पालिकाका वडा नं. ४ का वडाध्यक्ष दिलिप कुमार यादव,सवस्थ्य शाखा प्रमुख अयोधी दास, शिक्षा शाखा प्रमुख ऋिषिकेश यादव, केन्द्रका सचिव सोन्फी साह, संघका कोषाध्यक्ष सुभाषचनद्र झा, परियोजना संचालन भएका वडा नं. ३,४ र ६ का स्वास्थ्य चौकीका प्रमुखहरु, वडा सदस्यहरु लगायतको सहभागिता रहेको थियो ।