सशक्त वालिका परियोजना अन्तरगत स्वास्थ्यकर्मीलाई पुनरताजगी तालिम दिइयो

2 वर्ष पहिले प्रकाशित

Smrititimes

जनकपुरधाम
असोज १९ गते
धनुषा जिल्लाको विदेह नगरपालिका र जनकनन्दिनी गाउँपालिका अन्तरगत रहेका स्वास्थ्यकर्मीहरुलाई प्रारम्भिक वालविकासका लागि बालबालिकाको हेरचाहमा बुवाको भूमिका सम्बन्धी त्यहाँका स्वास्थ्यकर्मीहरुका लागि तिनकौरियामा दुई दिने पुनरताजगी तालिम सम्पन्न भएको छ । प्लान इन्टरनेसनल नेपालको सहयोगमा सामाजिक बिकास र अनुसन्धान केन्द्रको आयोजनामा संचालित परियोजना अन्तरगत उक्त तालिम सम्पन्न भएको छ ।

बालबालिकाहरुको उचित पालनपोषण तथा उत्तरदायि स्याहार र पुर्ण क्षमतालाई बलियो बनाउने उद्देश्यले धनुषा जिल्लाको बिदेह नगरपालिका तथा जनकनन्दिनी गाउँपालिकामा संचालित कार्यहरुमा स्वास्थ्यकर्मीहरुको भूमिका महत्वपुर्ण रहेको हुनाले गर्भवती महिलाहरुलाई ८ पटक स्वास्थ्यचौकी आउन सल्लाह दिने स्वास्थ्यकर्मीहरुले उनको पतिलाई समेत साथै आउन प्रोत्साहन गर्नुपर्ने तालिम सिकाइएको थियो ।

महिला गर्भवती भएपछि आम र गर्भमा रहेको सन्तानको हेरचाह र स्वास्थ्यमा प्रतिकु्ल असर पर्न नदिन श्रीमान भूीमका महत्वपुर्ण भएकाले जवाफदेही बनाउन स्वास्थ्यकर्मीहरुको भुमिकाका विषयमा तालिम प्रदान गरिएको थियो । सो तालिममा सहभागी स्वास्थ्यकर्मीहरुलाई प्लानइन्टरनेसनल नेपालको प्राविधिक सल्लाहकार किरण भंडारी तथा प्रशिक्षक संजीव कुमार जोशीले तालिम प्रदान गर्नुभएको थियो ।

स्वास्थ्यकर्मीहरुले समाजमा गएर बालबालिकाको हेरचाहमा बुवाको सम्लग्नताले हुने साकारात्मक परिवर्तनका बारेमा विभिन्न सत्रहरु संचालन गर्ने भएका छन् । तालिमको समापन सत्रमा बोल्दै प्रशक्षिक जोशीले गर्भवावस्था भए पछि प्ररमिभक बालविकासका क्रममा हरेक गतिविधिमा बुवाको सहभागिता अनिवार्य गराउन उत्प्रेरणा दिन स्वास्थ्यकर्मीहरुलाई आग्रह गर्नुभएको थियो । अर्का प्रशिक्षक किरण भंडारीले विदेशमा रहेका अभिभावकलाई पनि सामाजिक सञ्जालको माध्यमले प्रारम्भिक वालविकासका चरणहरुमा हुने क्रियाकलापहरुमा सहभागिता गराउनु पर्ने बताउनु भयो ।

दुई दिने तालिमको समन्वयको काम सामाजिक विकास र अनुसन्धान केन्द्रका परियोजना संयोजक विवश श्रेष्ठले गर्नुभएको थियो । तालिमको समापन सत्रको अध्यक्षता आयोजक संस्था सामाजिक विकास र अनुसन्धान केन्द्रका सचिव सोनफी साहले गर्नुभएको थियो । सो तालिमको समापन सत्रमा केन्द्रका कार्यक्रम संयोजक बिनिता कुमारी यादव,फिल्ड सुपरभाइजरहरु जिबछ दास, दिब्या झा तथा विजय साह लगायतको सहभागिता रहेको थियो ।