पुरानै निर्णय अनुसार शुल्क निर्धारण गर्न संस्थागत विद्यालयहरुको निर्णय

2 वर्ष पहिले प्रकाशित

Smrititimes

जनकपुरधाम
कातिक २५ गते ।
जनकपुरधाम उपमहानगरपालिका भित्रका संस्थागत विद्यालयहरुका संचालकहरुलाई सथानीय तह संग २०८१ भदौँ १३ गते भएको निर्णय अनुसार नै शुल्क लिन आग्रह गरिएको छ । नीजि तथा आवासीय विद्यालय संग सम्बन्धीत संस्थाहरुले विज्ञप्ती मार्फत यस्तो अनुरोध गरेको छ । संस्थागत विद्यालयहरुमा छात्रबृतिमा अध्ययनरत कक्षा ११ र १२ का विद्यार्थीहरुको संदर्भमा ऐन २०७४ अनुसार नामांकन शुल्क, मासिक शुल्क र आन्तरिक परिक्षा शुल्क बाहेक अन्य शुल्क निल सकिने गरि भएको सहभति अनुसार नै जनकपुरधाम उपमहानगरपालिकाले गरेको पत्राचारको आधारमा शुल्क लिन आग्रह गरिएको छ ।

पछि नेवि संघ संग २०८१ कातिक १४ गते जनकपुरधाम उपमहानगरपालिकाका मेयर मनोज साहले फरक निर्णय गर्नु आफैमा लज्जास्पद रहेको संस्थागत विद्यालय संचालकहरुले निर्णय गरेको जारी विज्ञप्तीमा उल्लेख गरिएको छ । छात्रबृति वितरण कार्यविधि २०७४ विपरित गरेको निर्णयको कडा आपती समेत जनाइएको छ ।

साथै विज्ञप्तीमा मार्फत हिसान, एनप्याबसन र प्याब्सनका अध्यक्षहरुले तत्कालका लागि चालु शैक्षिक सत्रमा पुरानै निर्णय अनुसार शुल्क लिन र पछि आर्थिक वर्ष २०८२–८३ देखि अन्य स्थानीय तहको अध्ययन गरी मात्र जनकपुरधाम उपमहानगरपालिका भित्रका संस्थागत विद्यालयहरुको शुल्क निर्धारण गर्न हिसानका धनुषा जिल्ला अध्यक्ष संजिब ठाकुर , एनप्याब्सनका जनकपुरधाम नगर अध्यक्ष दिपक ठाकुर तथा प्याबसनका नगर अध्यक्ष रबिन्द्र चौधरीले संयुक्त रुपमा जारी गर्नुभएको प्रेस विज्ञप्तीमा उल्लेख गरिएको छ ।