ज्वासको तिन दिने अभिभावक शिक्षा सम्बन्धि तालिम सम्पन्न

5 महीना पहिले प्रकाशित

Smrititimes

जनकपुरधाम
कातिक ३० गते ।
किशोरीहरुलाई सशक्त बनाउन उनिहरुको सर्वाङिगक विकासको लागि काम गरी रहेको जानकी महिला जागरण समाज(ज्वास)ले सबैलामा अभिभावक शिक्षा तालिम सम्पन्न गरेको छ । प्लान इन्टरनेसनल नेपालको साझेदारी तथा सवैला नगरपालिकाको समन्वयमा ज्वासको आयोजनामा
कातिक २७ गते देखि सुरु भएको उक्त तालिममा सबैला नगर पालिकाको वटा नं. ९,१०,११र १३ का महिला स्वास्थ्य स्वयम सेविका र स्वास्थ्यकर्मिहरु गरि कुल ३१ जनालाई प्रशिक्षण दिइएको छ । उक्त तालिममा सहजिकरण ज्वासका कार्यक्रम संयोजक निकिता सिंह यादव,सबैला नगरपालिमकाका जनस्वास्थ निरिक्षक राम किसोर यादव,चन्दा कुमारी साह तथा अशोक कुमार यादवले गर्नुभएको थियो । तालिमको सत्र संचालनको क्रममा ज्वासका अध्यक्ष मन्दा कुमारी कर्णले तालिम लिए पश्चात स्वास्थ्य सम्वन्धि सुचकहरुमा साकारात्मक परिवर्तन हुने अपेक्षा रहेको भन्दै यसमा महिला स्वस्थ्य स्वयम सेविकाको नै मूख्य भूमिका र जिम्वेवारी रहेको वताउनु भयो ।
तालिममा अविभाक शिक्षा संचालन गर्ने कला र अभ्यास गर्न पाएकोले यस्ता महत्वपूर्ण कार्यक्रमहरु समुदाय स्तरमा संचालन गर्न नगरपालिका र सामmेदार संस्थाहरुले निरन्तर रुपामा पहल गर्न पर्ने सहभागीहरुले बताएका थिए ।

उक्त तालिममा ४ वटा सत्र संचालनको सिप अभ्यास भएको हो भने अन्य सत्रहरु संचालन गर्नु पूर्व पुन तालिम संचालन गरिने छ । यस तालिमा प्ररम्भिक बाल विकासको जानकारी र महत्व,सवाङ्गीण बाल विकासको पक्षहरु,सुनौलो हजार दिन,गर्भ अवस्थामा आमा र शिशुको स्याहार ४ वटा सत्र संचालनको ज्ञान र सुक्ष्म शिक्षण अभ्यास भएको थियो । सशक्त बालिका परियोजनाले प्रारम्भिक बाल विकास(ईसीडी) र किसोरी संरक्षणको सवालमा काम गरिरहेको छ । जानकी महिला जागरण समाजको सहजिकरणमा सबैलाको ४ वटा वडाहरु र सहिदनगर नगरपालिकाको वडा न ७ मा यो परियोजना संचालनमा रहेको छ ।