सिओसी कक्षा व्यवस्थापकहरुका पाँच दिने अभिमुखिकरण सम्पन्न

3 घन्टा पहिले प्रकाशित

Smrititimes

जनकपुरधाम
कातिक ३० गते ।
धनुषा जिल्लाको बिदेह नगरपालिका तथा जनकननदनी गाउँपालिकाका विभिन्न वडामा संचालन हुने परिवर्तनका संबाहक कक्षा व्यवस्थाकहरुको पाँच दिने अभिमुखिकरण तालिम सम्पन्न भएको छ । प्लान इन्रनेसन नेपालको साझेदारीमा सामुदायिक परिवार कल्याण संघ तथा सपोर्ट नेपालको संयुक्त आयोजनामा संचालित सशक्त बालिका परियोजना अन्तरगत गठित नयाँ परिवर्तनका संबाहक कक्षा व्यवस्थापन समितिहरुको अभिमुखिकरण कार्यक्रम सम्पन्न भएको छ ।

ओ अभिमुखिकरणमा सहभागी सहयोगी शिक्षकहरुलाई परियोजनाको बारेमा र कक्षाको बारेमा बिस्तृत जानकारी गराउनुका साथै हानिकारक परम्परागत सोच, व्यवहार र अभ्यासमा परिवर्तन ल्याउने , यौन तथा प्रजनन स्वास्त्य र अधिकार तथा महिनावारी स्वच्छता व्यवस्थापन सम्बन्धी व्यापक छलफल गरिएको थियो । सहभागीहरुलाई सिसो नेपालका कार्यकारी निर्देशक बृहतर यौनिकता शिक्षा विज्ञ खुमानन्द सुवेदी तथा निर्देशक प्लान इन्टरनेशनल नेपालका टेक्निकल ओकर्डिनेटर कृति बैद्यले प्रशिक्षण दिनु भएको थियो ।

उक्त तालिम पछि सहभागीहरुले विभिन्न वडामा रहेका १७ देखि २४ वर्ष सम्मका किशोर किशोरीहरुलाई चार समुहमा विभाजन गरी सप्ताहको दुई घण्टा कक्षा संचालन गर्ने सहायक शिक्षकहरुलाई तालिम प्रदान गरिएको बैद्यले जानकारी दिनुभयो । १५ वटा निर्देशिका अनुसार कक्षा संचालन गरिने विषयमा साहायक शिक्षकहरुलाई तालिम प्रदान गरी किशोरीहरुलाई निर्धक्क बनाउ, आत्मविस्वास बढाउने, आफ्नो अधिकारको विषयमा जानकारी दिई लैंिगक हिँसा सम्बन्धि जानकारी दिनुका साथै किशोरहरुलाई लैगिक समानता र किशोरीलाई सहयोग गर्ने विषयमा परिवर्तनका सम्बाहक कक्षा संचालन हुने उहाँले बताउनु भयो । यसका साथै परियोजना अन्तरगत अनतरपुस्ता सम्बाद, लैँगिक बहस तथा किशोरकिशोरीलाई संगै बसाएर बालबिबाह न्युनिकरण सम्बन्धि निर्देशिका अनुसार छलफल गरिने बताउनु भयो ।

उक्त तालिममा धनुषाका जिल्लाको विदेह नगरपालिका, सबैला नगरपालिका, शहीदनगर नगरपालिका,कमला नगरपालिका तथा जनकनन्दिनी गाउँपालिकाका १९ जना सहजकर्ता शिक्षकहरुको सहभागिता रहेको थियो । तालिम अवधिभर सामुदायिक परिवार कल्याण संघका कार्यक्रम संयोजक यमलाल साशंकर, कार्यक्रम अधिकृत राजनन्दन यादव तथा सपेर्ट नेपालका अनुगमन मुल्यांकन अधिकृत अनिल साह लगायतको सहभागिता रहेको थियो । नयाँ सीओसी कक्षाहरु जनकनन्दिनी गा.पा.को वडा नं. १, ४ र ६ र विदेह न.पा.को वडा नं. १, ८ र ९ मा संचालन हुन गइरहेको छ । कार्यक्रममा सो वडाका वडाअध्यक्षहरुले कार्यक्रम प्रति सकारात्मक धारणा व्यक्त गर्दै कार्यक्रमलाई निरन्तर सहयोग गर्ने प्रतिबद्धता समेत व्यक्त गर्नुभयो ।