छात्रबृति विषयमा विद्यालय संचालकहरु लचक हुँदा समेत वार्ता विफल विद्यालय बन्द जारी राख्ने विद्यालय संचालकहरुको अडान विद्यालय आइतबार देखि बन्द राखेमा कारबाही गरिने उमपनपाको चेतावनी

3 घन्टा पहिले प्रकाशित

Smrititimes

बटुकनाथ झा
जनकपुरधाम
मंसिर ८ गते ।

जनकपुरधामका सामुदायिक विद्यालयका संचालक र उपमहानगरपालिका बिच छात्रबृतिका विषयमा कुरा नमिल्दा अवस्था भयाबह बन्दै गएको छ । संस्थागत विद्यालयका संचालकहरुले शनिबार साँझ पत्रकार सम्मेलनको आयोजना गरी छात्रबृतिका विषयमा आफुहरुले १५ प्रतिसत सम्म मात्र रकम लिने गरी प्राबधान बनाउन नगरपालिकालाई आग्रह गर्दा पनि मेयर मनोज कुमार साहले नमान्दा बाध्य भएर आफुहरुको आन्दोलनलाई जारी राख्नु पर्ने बताएका छन् ।

उपमहानगरपालिका भित्रकै सामुदायिक विद्यालयहरुमा तिनै तहको सरकारको लगानी भएपनि उनिहरुले छात्रबृति पाएका विद्यार्थीहरुबाट रकम लिईरहेको अवस्थामा आफुहरुको लगानै नै रहेकाले केहि पनि रकम लिन पनि नहुने भन्दै हिसानका धनुषा अध्यक्ष संजिब ठाकुरले प्रश्न गर्नुभयो । पत्रकार सम्मेलनमा बोल्दै मोडेल मल्टिपल कलेजका संचालक विरेन्द्र कुमार साहले आफु संग फोनमा कुरा हुँदा मेयर साहले १८ प्रतिसत सम्म लिन सकिने भनेर आग्रह गर्दा आफुले १५ प्रतिसत मात्र लिने भनि जवाफ फर्काए पनि कसैको दवावमा आएकाले वार्ता सफल हुन नसकेको बताउनु भयो ।

पत्रकार सम्मेलनमा बोल्दै हिसानका अध्यक्ष ठाकुरले छात्रबृद्धि लगायतका अन्य विषयहरु जस्तै वर्षौ देखि अनुमति तथा कक्षा अपग्रेडिङको लागि फाइल पमहानगरपालिकामा थन्किएपनि संस्थागत विद्यालयहरुको काम नहुनु, इमिसमा भईरहेको समस्यालाई समाधान गर्न माग आनदोलन गरिरहेको बताउनु भयो । पत्रकार सम्मेलनमा बोल्दै मधेश प्याव्सनका केन्द्रिय अध्यक्ष अमरेन्द्र झाले कक्षा ८ को परिक्षा प्रणालीमा समेत सुधारको आवश्यक्ता रहेको बताउनु भयो ।

यता, जनकपुरधाम उपमहानगरपालिकाका निमित प्रमुख प्रशासकीय अधिकृत धिरेन्द्र लाल कर्णले शनिबार विज्ञप्ती जारी गर्दै अनिवार्य तथा निःशुल्क छात्रबृति सम्बन्धि ऐन २०७५ र त्यसको नियमावली २०७७ को व्यवस्था अनुसार छात्रबृति सम्बन्धि व्यवस्था कार्यान्वयन नगरी विद्यालय बन्द राखेमा कानुन बमोजिम कारबाही गरिने चेतावनी दिनुभएको छ ।

यता, उपमहानगरपालिकाको विज्ञप्ती जारी भएपछि संस्थागत विद्यालय संग सम्बन्धित संगठनहरु हिसान, प्याव्सन,एन प्यावसन, मधेश प्यावसन तथा नेपाल व्यापसनका अध्यक्षहरुले संयुक्त विज्ञप्ती जारी गर्दै संस्थागत विद्यालय बन्द यथाबत राख्ने जनाएको छ ।