महिला स्वास्थ्य स्वयंसेविकाहरुलाई प्रशिक्षक प्रशिक्षण तालिम सम्पन्न

2 वर्ष पहिले प्रकाशित

Smrititimes

जनकपुरधाम
मंसिर १३ गते । विदेह नगरपालिका वडा नं. ५ र ७ का महिला स्वास्थ्य स्वयंसेविकाहरुलाई दुई दिने प्रशिक्षक प्रशिक्षण तालिम सम्पन्न भएको छ । प्लान इन्टरनेशन नेपालको आर्थिक सहयोग तथा सामाजिक विकास र अनुसन्धान केन्द्रको साझेदारीमा संचालित सशक्त बालिका परियोजना अन्तरगत सो दुई वडाका १२ जना महिला स्वास्थ्य स्वयंसेविकाहरुलाई दुई दिने प्रशिक्षक प्रशिक्षण दिइएको हो । जनता प्राविधिक विद्यालय गिद्धाको सभाहलमा भएको उक्त प्रशिक्षणमा प्रशिक्षक दिलिप दास तथा राकेश यादवले सहभागी महिला स्वास्थ्य स्वयंसेविकाहरुलाई बाल व्यवहार र साकारात्मक अनुशासन, बाल स्वास्थ्य र स्याहार तथा ६ महिना पुगेका बालबालिकाहरुको लागि पुरक वा थप खानाको व्यवस्थाको सम्बन्धमा प्रशिक्षण दिइएको फिल्ड सुपरभाइजर दिव्या झाले जानकारी दिनुभयो । फिल्ड सुपरभाइजर जिबछ दासले संचालिन गर्नुभएको तालिमको समापन सत्रमा बिदेह नगरपालिका वडा नं. ५ का वडाध्यक्ष राधेश्याम गोइत तथा स्वास्थ्य शाखा प्रमुख दानी ठाकुरले सम्बोधन गर्नुभएको थियो । उहाँहरुले सिकेका कुराहरुलाई आमा समुह तथा अभिभावक समुहका सदस्यहरुलाई समेत सिकाउन आग्रह गर्नुभएको थियो । सो कार्यक्रममा सामाजिक विकास र अनुसन्धान केन्द्रका कार्यक्रम अधिकृत विनिता यादवले कार्यक्रमको संयोजन गर्नुभएको थियो ।