युवा संजालका सदस्यहरुको क्षमता अभिबृद्धि तालिम जारी

1 वर्ष पहिले प्रकाशित

Smrititimes

जनकपुरधाम
पुस ८ गते ।
परिवर्तनका सम्बाहक युवाहरुको समुहबाट निर्माण भएको विदेह नगरपालिकाका दुई वटा युवा संजालका सदस्यहरुको तिन दिने क्षमता अभिबृद्धि तालिम जारी रहेको छ । प्लान इन्टरनेशनल नेपालको सहयोगमा विदेह नगरपालिकाको समन्वयमा सामुदायिक परिवार कल्याण संघको आयोजनामा सो पालिकाका वडा नं. ३ र ५ का युवा संजालका सदस्यहरुलाई प्रशिक्षक उद्धवराज अवस्थीले तालिम प्रदान गर्नुभएको छ । सिओसी कक्षामा पढेर जानकारी पाएका किशोरकिशोरीहरुद्वारा गठन भएको युवा संजालका सदस्यहरुलाई समुहमा कसरी काम गर्ने, समाजमा रहेको हानिकारक परम्पराहरुलाई कसरी न्युनिकरण गर्ने तथा स्थानीय स्तरमा रहेको वस्तुको प्रयोगबाट कसरी विकास गर्ने लगायतका विषयमा सहभागीहरुलाई प्रशक्षिक अवस्थीले प्रशिक्षण दिनुभएको छ । सो तालिममा विदेह नगरपालिकाका वडा नं.३ का समाज उत्थान युवा क्लवका १५ जना तथा प्रगतिशिल युवा क्ल्व वडा नं. ५ का १५ जना गरी कुल तीस जनालाई प्रशिक्षण दिइएको सामुदायिक परिवार कल्याण संघका सशक्र वालिका परियोजनाका कार्यक्रम संयोजक यमलाल साशंकरले जानकारी दिनुभयो । पुस ७ देखि सुरु भएको सो तालिम मंगलबार सम्पन्न हुदैछ । यो भन्दा पहिला पुस ४ देखि ६ गते जनकनन्दिनी गाउँपालिकाका दुई वटा युवा संजालका सदस्यहरुलाई प्रशिक्षण दिइएको थियो ।