सबैलामा नगर स्तरीय प्रारम्भिक बाल विकास समिति गठन

10 घन्टा पहिले प्रकाशित

Smrititimes

जनकपुरधाम
पुस ८ गते ।
सबैला नगरपालिकामा १० सदस्य रहेको नगर स्तरिय प्रारम्भिक बाल विकास समिति गठन भएको छ । सो नगरपालिकाका मेयर कारिराम यादव अध्यक्षतामा गठन भएका सििमतका सदस्यहरुमा निर्मला परियार,मदन चौधरी,विरेन्द्रलाल कर्ण,प्रदिप मुखिया,संजय मंणल,आषा कुमारी सिंह,गिता कुमारी महतो,निकिता सिंह यादव र सदस्य सचिवमा सविर कुमार महतो रहनुभएको छ । प्रारम्भिक बालविकास रणनीति २०७७–८८ ले निर्देश गरे अनुरुप अध्यक्षमा नगर प्रमुख,सदस्यहरुमा कार्यपालिका सदस्य,स्थानिय बाल अधिकार समिति,विषयगत शाखा प्रमुखहरु – सामाजिक विकास,शिक्षा,स्वस्थ्य,महिला बालवालिका,बाल संन्जाल,प्रारम्भिक बाल विकास विज्ञ र सदस्य सचिवमा नगरपालिकाको प्रमुख प्रशासकिय अधिकृत रहेको व्यवस्था अनुसार नगरप्रमुख कारीराम यादवको अध्यक्षतामा १० सदसिसय समिति सर्वसंवत रुपमा निर्माण गरिएको जानकी महिला जागरण समाजका कार्यक्रम अधिकृत खगेनद्र दहालले जानकारी दिनुभयो । प्रारम्भिक बाल विकास समिति किन आवस्यक छ र वडा , नगर पालिकामा तत् समितिहरुले नियमन अनुगमन तथा नीति नियम वनाई कार्य गर्न सक्ने भएको कुराको पृष्ठभुमि जानकी महिला जागरण समाजको कार्यक्रम संयोजक निकिता सिंह यादवले सहजिकरण गर्दै बताउनु भएको थियो ।

प्लान इन्टरनेशनल नेपालको सहयोगमा जानकी महिला जागरण समाजको आयोजनामा संचालित सशक्त बालिका परियोजन अनतरगत सो समिति गठन गरिएको हो । संचालित गतिविधिहरुबाट विस्तारै समुदाय र नगरपालिकामा वालवालिकाको सर्वाङ्घिण विकासमा भयको सुचकहरुमा धेरै सुधार गर्न सकिने प्लान इन्टरनेशनल नेपालको कार्यक्रम विषेशज्ञ मिहिर कुमार मmा ले वताउनु भयो ।

नव गठित समितिको पदाधिकारीहरुले काम कर्तव्य राम्रो सँग निर्वाह गर्न र सबै जनाले यस समितिलाई आ–आफ्नो तवरले सघाउने समेत आसा राखिएको प्रमुख प्रशासकिय अधिकृत सविर कुमार महतोले समापन मन्तव्यको क्रमाम व्यक्त गर्नु भयो । परियोजना लागु भएको यस पालिकाको ४ वटा वडा र नगर स्तरीय प्रारम्भिक बालविकास समिति गठन भएको छ भने अरु वडाहरुमा पनि गठन गर्दै लैजाने योजना रहेको जानकी महिला जागरण समाजका कार्यक्रम अधिकृत खगेन्द्र दहालले जानकारी दिनुभयो ।