शिब शारदा स्कुलको १६ औँ वार्षिकोत्सव सम्पन्न

2 वर्ष पहिले प्रकाशित

Smrititimes

जनकपुरधाम
फागुन ४ गते ।
जनकपुरधामको पुल चोकमा रहेको शिब शारदा से.ई.बो.स्कुलको १६ औँ वार्षिकोत्सव आइतबार सम्पन्न भएको छ । सो स्कुलका संस्थापक तथा प्रिन्सपल सुजित मिश्रको अध्यक्षतामा भएको वार्षिकोत्सव विभिन्न कार्यक्रम गरी सम्पन्न भएको छ । स्थापनाकाल देखि शैक्षिक क्षेत्रमा अलग पहिचान बनाएका सो विद्यालयको वार्षिकोत्सवको अवसरमा मन्तव्य राख्दै विद्यालयका शिक्षकहरुले विद्यार्थीहरुलाई पढाईका साथै दैनिक जिवनमा व्यवहारिक ज्ञानका समबन्धमा समेत जानकारी गराउनु भएको थियो । वार्षिकोत्सवको अवसरमा विद्यार्थीहरुले विभिन्न कला प्रस्तुत गरेका थिए ।

वार्षिकोत्सवका अवसरमा सो विद्यालयमा स्थापना काल देखि ११ वर्ष सम्म अध्यापन गरी शिक्षक सेवा आयोगमा नाम निकालेर सामुदायिक विद्यालयमा अध्यापन गरिरहनु भएका शिक्षक अविनाश कुमार यादवलाई सम्मानित गरिएको थियो । सो कार्यक्रममा बोल्दै विशिष्ठ अतिथि अभिभाव सीताराम साहले सो विद्यालयले शिक्षाका क्षेत्रमा गरिरहेका कामको प्रशंसा गर्नुभएको थियो । मन्तव्य राख्दै एक जना शिक्षकले भन्नु भयो,‘ विद्यार्थीहरुले स्कुलमा पढ्नुका साथै घरमा आमाबुवाले गर्ने क्रियाकलापको नकल गर्ने हुँदा घरमा अभिभावकहरुले पनि आफ्नो व्यवहारमा परिवर्तन गरी छोराछोरीमा साकारात्मक परिवर्तन ल्याउन काम गर्नुपर्छ ।’

सो अवसरमा बोल्दै विद्यालयका शिक्षक राजकुमार मिश्रले विद्यालय १५ वसन्त पार गरेको दिन खुसीको दिन रहेको भन्दै खुला सत्रमा मनोरञजनात्मक तथा सास्कृतिक कार्यक्रम तथा शुभकामना मन्तव्यको साथै वर्षभरी उत्कृष्ट भएका विद्यार्थीहरुलाई पुरस्कृत गर्ने कार्यक्रम रहेको बताउनु भयो । वार्षिकोत्सवको अवसरमा उपस्थित अभिभावकहरुलाई सम्मान गर्नुका साथै विद्यालयको शिक्षाको गुणस्तर अभिबृद्धिका लागि अन्तरक्रिया समेत गरिएको थियो । शिब शारदा से.ई.बो.स्कुलमा कक्षा १० सम्मको पढाई भईरहेको छ ।