खरियानीका आमा समुहलाई पोषिलो खाना पकाउन सिकाइयो

2 वर्ष पहिले प्रकाशित

Smrititimes

जनकपुरधाम
फागुन १५ गते ।

वालवालिकाहरुलाई पोषिलो खाना खुवाउन धनुषाको खरियानीका आमा समुहका सदस्यहरुलाई पौष्टिक युक्त खाना पकाउन सिकाइएको छ । हरेक वार खाना चार मुल मन्त्र जस्तै वालवालिकाहरु तथा उनिहरुका आमाहरुलाई हरेक छाकमा अन्न,कन्दमुल, दलहन, हरियो सागपात, फलफुल तथा पशुपंक्षी जन्य पदार्थको प्रयोग गर्नुपर्ने सम्बन्धमा खाना पकाएरै सिकाइएको छ । पलान इन्टरनेसनल नेपालको आयोजनामा सवैला नगरपालिकाको समन्वय तथा जानकी महिला जागरण समाज(ज्वास)को सहयोगमा संचालित सशक्त बालिका परियोजना अन्तरगत पोसिलो खाना पकाउने प्रदर्शन गरिएको छ ।

उक्त प्रदर्शनमा सबैला नगरपालिका १० खरियानीी स्वास्थ्य चौकीका ईचार्ज चन्दा कुमारी साहले सहभागी महिलाहरुलाई हरेकबार खाना चार अनुसार नै खाना खानुपर्ने बताउनु भयो । उहाँले आफु तथा बालबालिकाहरुलाई अन्न, दलहन, फलफुल तथा हरियो सागपात तथा पशुपंक्षिजन्य खाना बनाई खान आग्रह गर्नुभयो । उहाँ सहभागीहरुलाई बजारबाट ल्याउनु भन्दा आफ्नै करेसाबारीमा सागपात, फलफुल तरकारीहरु लगाई त्यसको प्रयोग बढाउन आग्रह गर्नुभयो । महिला स्वास्थ्य सवयंसेविका कल्पना कापडले तयार पार्नुभएको लिटो उपस्थित बालबालिकाहरुलाई खुवाइएको ज्वासका कार्यक्रम अधिकृत खगेन्द्र दहालले जानकारी दिनुभयो ।

उक्त पोसिलो खाना बनाउने प्रदर्शनीमा सहभागी ज्वासका अध्यक्ष मनदाकिनी कर्णले सहभागी महिलाहरुलाई लिटो, जाइलो तथा खिचड़ी जस्ता पोसिलो खाना पकाएर आफ्ना नानीबाबुलाई नियमित रुपमा खुवाउदा उनिहरु स्वास्थ्य भई शारीरिक, मानसिक तथा अन्य विकास हुने बताउनु भयो । सो कार्यक्रममा ज्वासका कार्यक्रम संयोजक निकिता सिँह यादवले बच्चालाई बाहिरको पाकेटको खाना खुवाउनु भनदा घरमै चामल, मकै, भटमास, तरकारीहरुबाट बनाएको परिकार खुवाउदा उनिहरुको स्वास्थ्यमा प्रभावकारी असर देखिने बताउनु भयो । सो प्रदर्शनीमा खरियानीका एक दर्जन भन्दा बढी महिला तथा बालबालिकाहरुको सहभागिता रहेको थियो ।

यसरी आफ्नै घरमा पकाइएको पोष्टिक खाना खुवाउदा बालबालिकाहरुमा कुपोषणको सम्भावना न्युन हुने भएकाले हरेकबार खाना चार तथा ६ महिना देखि माथिका बालबालिकाहरुलाई जाइलो, लिटो, खिचडी लगायतका परिकार नियमित रुपमा खुवाउनु पर्ने स्वास्त्य चौकीका ईचार्ज साहले बताउनु भयो ।