स्वास्थ्य आमा समुहलाई करेसावारीको सामग्री वितरण जनकपुरधाम

9 महीना पहिले प्रकाशित

Smrititimes

फागुन १५ गते ।
धनुषा जिल्लाको विदेह नगरपालिका तथा जनकनन्दिनी गाउँपालिकाका विभिन्न वडाहरुमा रहेको स्वास्थ्य आमा समुहका सदस्यहरुलाई करेसाबारीको लागि प्रयोगहुने सामग्री वितरण गरिएको छ । प्लान इन्टरनेसनल नेपालको सहयोगमा सम्बन्धीत पालिकाको समन्वयमा सामाजिक विकास र अनुसन्धान केन्द्रले ति सामग्रीहरु वितरण गरेका हुन । विदेह नगरपालिका वडा नं. ३ का १५ जना वडा नं. ९ का १५ जना जनकनन्दिनी गाउँपालिका वडा नं. ३ का १८ जना तथा वडा नं. ४ का १७ जना स्वासथ्य आमा समुहका सदस्यहरुलाई जनही गार्डेन पम्प स्प्रे २ लिटरको एक थान,हजारी एक थान, खुर्पी एक थान, हँसिया एक थान, कोदालो एक थान, प्लाष्टिकको ड्रम एक थान तथा विभिन्न जातका विउँहरु उपलब्ध गराइएको सामाजिक विकास र अनुसन्धान केन्द्रका कार्यक्रम संयोजक विवश श्रेष्ठले जानकारी दिनुभयो ।

ति सामग्रीहरुबाट आमा समुहले आफ्नै करेसावासीमा तरकारी,फलफुल, सागपातहरु लगाईमा घरमा पोसिलो खाना बनाउने आशा गरिएको छ । सो सामग्री वितरणमा विदेह नगरपालिका वडा नं. ३ का वडाध्यक्ष रामश्रेष्ठ मुखिया,सदस्य इन्दल मंडल, सचिव सत्यनारायण राय, स्वास्थ्य चौकी प्रमुख तिलिप ठाकुर, वडा नं. ९ का वडाध्यक्ष बृज नन्दन मंडल,जनकनन्दिनी गाउँपालिका वडा नं. ३ का वडाध्यक्ष विष्णुदेव साह, वडा नं. ४ का वडाध्यक्ष दिलिप यादव , प्र.खे. महुवाका स्वास्थ्य चौकी प्रमुख नविन पंडित, सामाजिक विकास र अनुसन्धान केन्द्रका तर्फबाट कार्यसमिति सदस्य सुदिना झा, कार्यक्रम अधिकृत विनिता यादव, फिल्ड सुपरभाइजर दिव्या झा, काजल यादव, अनुज कापड, राजकिशोर यादव लगायतको सहभागिता रहेको थियो ।