राष्ट्रिय लोकतान्त्रिक अपाङ्ग संघको प्रदेश अध्यक्षमा जय प्रकाश

1 महीना पहिले प्रकाशित

Smrititimes

जनकपुरधाम
फागुन ५ गते ।
नेपाली काँग्रेसको भातृ संगठन राष्ट्रिय लोकतान्त्रिक अपाङ्ग संघ मधेश प्रदेशको प्रथम अधिवेशनबाट सर्वसम्मतीले अध्यक्षमा धनुषाका जय प्रकाश ठाकुर निर्वाचित भएका छन् । ठाकुरकै अध्यक्षतामा नेपाली काँग्रेसका केन्द्रीय सदस्य मधु आचार्यको े प्रमुख अतिथ्यता तथा नेपाली काँग्रेस मधेश प्रदेश सदस्य एवं कार्यसम्पादन समिति सदस्य तथा बिभाग प्रमुख सुनिल ठाकुरको विशिष्ट अतिथिमा भएको सो अधिवेशनबाट सर्वसममतीले नयाँ कार्यसमिति चयन गरिएको छ ।

नयाँ कार्यसमितिका उपाध्यक्षमा बाराका प्रमोद राय, महामन्त्रीमा महोत्तरीका सन्जु भगत चयन भएका छन् । त्यस्तै सदस्यहरुमा हिरा देवी दास धनुषा,रमेश साह बनियाँ बारा,पुष्पा चौधरी सप्तरी, जय किशोर राय धनुषा, राम नरेश यादव सर्लाही, धनवीर कापर केवट सिरहा, अजय यादव रौतहट , अनिता कुमारी यादव महोत्तरी तथा प्रयाग महतो वारा रहेका छन् ।

महोत्तरीको वर्दिबासमा भएको सो प्रदेश अधिवेशनमा राष्ट्रिय लोकतान्त्रीक अपाङ्ग संघको केन्द्रिय महाधिवेशन प्रतिनिधि ३२ वटा क्षेत्रबाट १६० जना, प्रदेश महाधिवेशन प्रतिनिधि ६४ क्षेत्रबाट एक सय ९२ जना तथा १७ जना केन्द्रिय सदस्यहरुको सहभागिता रहेको नवनिर्वाचित अध्यक्ष ठाकुरले जानकारी दिुनभयो । सो प्रदेश अधिवेशनमा केन्द्रिय सदस्यहरु किरण कुमार पासवान, शत्रुधन लाल कर्ण, रमिता कुमारी ठाकुर, संजु भगत, गंगा वागले, मनोज महतो, नन्दकिशोर ठाकुर, बलदेव मंडल, अशविन लम्साल, प्रबत बिष्ट,माधब चौलागाई तथा विकास थापा लगायतको सहभागिता रहेको थियो ।