– राजर्षि जनक क्याम्पसद्वारा आयोजित टी–२० क्रिकेट प्रतियोगिता सम्पन्न

2 वर्ष पहिले प्रकाशित

Smrititimes

जनकपुरधाम, चैत्र १८ – राजर्षि जनक क्याम्पसद्वारा आयोजित टी–२० क्रिकेट प्रतियोगिता को फाइनल खेल शानदार रूपमा सम्पन्न भएको छ। फाइनल खेलमा राराब क्याम्पसले उत्कृष्ट प्रदर्शन गर्दै उपाधि जित्न सफल भएको छ।

जनकपुरस्थित खेलमैदानमा आयोजित फाइनल खेलमा राराब क्याम्पसले उत्कृष्ट खेल कौशल प्रदर्शन गर्दै प्रतिस्पर्धी टोलीलाई पराजित ग¥यो। खेल निकै प्रतिस्पर्धात्मक रहेको थियो, जहाँ दुवै टोलीले उत्कृष्ट प्रदर्शन गरे।
राराब क्याम्पसका खेलाडीहरूले बलिङ र ब्याटिङमा उत्कृष्ट प्रदर्शन गर्दै जित सुनिश्चित गरे । म्यान अफ द म्याच तथा सर्वश्रेष्ठ खेलाडी पुरस्कार राराब क्याम्पसकै खेलाडीले प्राप्त गरे । उपाधि विजेता टोलीलाई ट्रफी, प्रमाणपत्र तथा नगद पुरस्कार प्रदान गरियो।
प्रतियोगिता समापन समारोहमा विभिन्न खेल पदाधिकारी, शिक्षक, विद्यार्थी तथा क्रिकेटप्रेमीहरूको उपस्थिति रहेको थियो। आयोजक राजर्षि जनक क्याम्पसका संचालक सञ्जीव ठाकुरले खेलकुदले विद्यार्थीहरूबीच टीम वर्क, अनुशासन र प्रतिस्पर्धात्मक क्षमताको विकास गराउने उल्लेख गर्दै सहभागी सम्पूर्ण खेलाडीहरूको प्रशंसा गर्नुभयो ।
उहाँले भन्नुभयो, “स्थानीय स्तरमा खेलकुदको प्रवद्र्धन र क्रिकेट खेलाडी उत्पादन गर्न यस्ता प्रतियोगिताहरू आवश्यक छन्। राजर्षि जनक क्याम्पसले आगामी वर्षहरूमा पनि यस्ता प्रतियोगिताहरूलाई निरन्तरता दिनेछ।“
उहाँले भने, “यो रंगशाला छिटोभन्दा छिटो निर्माण होस् भन्ने हाम्रो चाहना छ। यसले खेलकुद प्रवद्र्धन गर्न ठूलो सहयोग पुग्नेछ।“ प्रतिकयोगिताले युवा खेलाडीहरूलाई आफ्नो प्रतिभा प्रदर्शन गर्ने उत्कृष्ट अवसर प्रदान गरेको आयोजक पक्षले जनाएको छ। साथै, यसले जनकपुरधाममा खेलकुदको भविष्य उज्ज्वल बनाउन पूर्वाधार निर्माणको आवश्यकताप्रति सम्बन्धित निकायहरूको ध्यानाकर्षण गराएको छ। कार्यक्रममा जनकपुरधामका मेयर मनोज साहले आफ्नो मन्तव्य राख्दै राम जानकी बहुउद्देश्यीय रंगशाला निर्माणमा जनकपुरधाम उपमहानगरपालिकाको ध्यानाकर्षण रहेको बताउनु भयो ।