सशक्त वालिका परियोजनाको जनकनन्दिनीमा समाजिक लेखा परीक्षण सम्पन्न

3 महीना पहिले प्रकाशित

Smrititimes

जेठ २६ गते
जनकपुरधाम ।
धनुषाको विदेह नगरपालिका तथा जनकनन्दिनी गाउँपालिकामा संचालनमा रहेको सशक्त बालिका परियोजनाको चालु आर्थिक वर्षको लेखा परिक्षण कार्यक्रम सम्पन्न भएको छ । सोमबार जनकनन्दिनी गाउँपालिकाको स्वास्थ्य कार्यालयमा भएको लेखा परिक्षणमा सो परियोजना अन्तरगत अहिले सम्म भएका कामको समाजका बिच सार्वजनकि लेखा परिक्षण गरिएको छ । प्लान इन्टरनेसनल नेपालको सहयोग तथा सामाजिक विकास र अनुसन्धान केन्द्र (एसडिआरसी) तथा सामुदायिक परिवार कल्याण संघ(सीएफडब्लुए)को संयुक्त आयोजना र जनकनन्दिनी गाउँपालिकाको समन्वयमा भएको सो लेखा परिक्षणका प्रमुख अतिथी पालिका अध्यक्ष दिपिनदेव यादवले परियोजना संचालन भएदेखि पालिका भित्रमा यसको साकारात्मक प्रभाव परेको बताउदै अगामी दिनमा यो परियोजनालाई पालिकाले समेत सहयोग गरी कार्यक्रम संचालन गर्ने प्रतिबद्धता जाहेर गर्नुभयो ।

एसडीआरसीका सचिव सोनफी साहको अध्यक्षतामा भएको सो कार्यक्रममा बोल्दै विशिष्ठ अतिथि पालिका उपाध्यक्ष कमला सहगलले आमासमुहका सदस्यहरुले क्लालसीएफको माग गरे उपलबध गारईने बताउनु भयो । उहाँले परियोजनाबाट महिला बालबालिकाहरु लाभान्वित भईरहेको जानकारी दिनुभयो । आर्थिक वर्ष २०८१–८२ मा सशक्त वालिका परियोजना तथा बाल प्रत्याभूत कार्यक्रम अन्तरगत सम्पन्न भएका समिक्षा गरिएको थियो ।

सो पालिकामा चालु आर्थिक वर्षमा एसडीआरसीले १९ लाख ८६ हजार २सय ६ रुपैया सशक्त वालिका परियोजनामा खर्च गरेको छ । त्यसैगरी सिएफडब्लुएले परियोजना अन्तरगत ९ लाख ८० हजार २ सय ४८ र बाल प्रत्याभूती कार्यक्रम अन्तरगत ९ लाख ५३ हजार २ सय ४० रुपैया खचृ गरेको सामाजिक लेखा परिक्षणबाट सर्वसम्मतीले पारित गरियो । सो कार्य पालिकाका विभिन्न वडाका अध्यक्षहरु, प्रत्याभूत बालबालिकाहरु, आमासमुहका पदाधिकारीहरु, पालिकाका विभिन्न शाखाका प्रमुखहरु, सीएफडब्लुएका कार्यक्रम संयोजक यमलाल शाशंकर, एसडीआरसीका कार्यक्रम संयोजक विवश श्रेष्ठ लगायतका कर्मचारीहरुको सहभागिता रहेको थियो ।