जनकनन्दिनी एकिकृत प्रारम्भिक बालबिकासका लागि रणनीतिक योजना बनाउने

6 महीना पहिले प्रकाशित

Smrititimes

जनकपुरधाम
असार १ गते ।
धनुषा जिल्लाको जनकनन्दिनी गाउँपालिकाले एकिकृत प्रारम्भिक बालबिकासका लागि पञ्चवर्षीय रणनीतिक बनाउने भएको छ । सो पालिकाका गर्भ देखि ८ वर्ष उमेर समुहका बालबालिकाहरुका लागि एकिकृत प्रारम्भिक बालविकासका रणनीतिक योजना तयार भएपछि सो अनुसार उनिहरुको विकासमा काम हुने छ । ती सन्दर्भमा आइतबार भएको मस्यौदा छलफल कार्यक्रममा अगामी साउन महिनाको १५ गते भित्र सो मस्यौदा तयार गर्ने जिम्मेबारी पालिकाका सवस्थ्य शाखा प्रमुख सिकिन्दर साहलाई जिम्मेबारी दिइएको पालिकाका उपप्रमुख कमला सहगलले जानकारी दिनुभयो ।

प्लान इन्टरनेसनल नेपालको आर्थिक तथा प्राविधिक सहयोगमा सामाजिक विकास र अनुसन्धान केन्द्रको आयोजना तथा जनकनन्दिनी गाउँपालिकाको समन्वयमा संचालित सशक्त बालिका परियोजना अन्तरगत भएको सो छलफल तथा अन्तिमिकरण गोष्ठीमा सेतो गुराँस राष्ट्रिय बालविकास सेवाको प्राविधिक सहयोगमा मस्यौदा तयार गर्ने विषयमा छलफल भएको छ । मस्यौदा तयार भएपछि सो पालिकाको सबै वडा कार्यालय तथा शाखाहरुबाट सल्लाह सुझाब संकलन गरी मस्यौदा पारित गर्ने निर्णय भएको छ ।

एकिकृत प्ररम्भिक बालविकासको मस्यौदा बनाउन प्राविधिक सहयोग गर्ने संस्था सेतो गुराँस राष्ट्रिय बालविकास सेवाका तर्फबाट नरबहादुर पाख्रिनले यो मस्यौदाको बनाउने विषयमा सहभागीहरुलाई जानकारी गराउनु भएको थियो । उहाँले एकिकृत प्रारम्भिक बालविकासको परिचय,यसको महत्व, मस्यौदा बनाउने तरिका,प्रारम्भिक बालविकासको अवस्थाको विश्लेषण, यसको रणनीतिका आधार र मान्यताहरु,दुरदृष्टि, उद्देश्य, कार्यनीति, कार्यान्वयन, अनुगमन र मूल्यांकन जस्ता विषयमा जानकारी गराउनु भएको थियो । सो छलफल कार्यक्रमका उद्देश्य माथि सामाजिक विकास र अनुसन्धान केन्द्रका सशक्त वालिका परियोजनाका कार्यक्रम संयोजक बिबश श्रेष्ठले जानकारी गराउनु भएको थियो । कार्यक्रममा संस्थाका अध्यक्ष मन्जु यादव, सचिव सोनफी साह, पालिकाका ६ वटै वडाका वडाध्यक्षहरु, सचिबहरु, सदस्यहरु, पालिकाका विभिन्न शाखाका प्रमुखहरु लगायतको सहभागिता रहेको थियो ।