संकटासन्न बालबालिकालाई शैक्षिक सामग्री वितरण

1 वर्ष पहिले प्रकाशित

Smrititimes

जनकपुरधाम
साउन १८ गते ।
महोत्तरीको बलबा नगरपालिका वडा नं. ४ मा आइतबार ५० जना बालबालिकालाई शैक्षिक सामग्री वितरण गरिएको छ । इस्लामिक रिलिफ नेपालको आर्थिक तथा प्राबिधिक सहयोगमा दलित समाज उत्थान समिति नेपालद्वारा संचालित गरिबी न्यूनीकरण तथा उत्थानशील परियोजना अन्र्तगत सो सामग्रीहरु वितरण गरिएको छ ।

संकटासन्न बालबालिकाको लागि शैक्षिक सामग्री वितरण गरी उनिहरुको शैक्षिक अवस्थालाई सुधार गर्न उद्देश्यले सो सामानहरु वितरण गरिएको प्रमुख अतिथि आयोजक संस्थाका संस्थापक अध्यक्ष सुनिल ठाकुरले जानकारी दिनुभयो । उहाँले शिक्षाबाट बञ्चित हुन प्ुगेका संकटासनन अवस्थाका बालबालिकाको शैक्षिक वातावरण निर्माण गरी विद्यालयमा टिकाउनको लागि यस्ता शैक्षिक सामग्री वितरणले टेवा पुग्ने बताउनु भयो ।

एक कार्यक्रमका बिच बलवा नगरपालिका वडा न.४ का ५० जना बालबालिकाहरुलाई जनही ब्याग–१ थान, बल पेन–३ दर्जन, कपी–२ दर्जन, पेन्सिल –२ प्याकेट, इरेजर –२ प्याकेट, सार्पनर–२ प्याकेट, स्कुल पोशाक–१ सेट, ड्रइंग कपि – १ थान, ज्यामिति बक्स – १ थान, अध्ययन टेबल – १ थान, रङ बक्स – १ थान, जुत्ता – २ सेट, मौजा – २ सेट, ट्र्याक सूट – २ सेट, र टिफिन बक्स – १ थान वितरण गरिएको थियो ।

यो वितरण कार्यक्रमको अध्यक्षता बलवा नगरपालिका वडा नं. ४ का वडा अध्यक्ष प्रमोद कुमार यादवले गर्नुभएको थियो । कार्यक्रमको व्यवस्थापन परियोजना संयोजक उमेश साहको उपस्थितिमा सम्पन्न भएको थियो । यस वितरण कार्यक्रमले बलवा नगरपालिका वडा न.४ मा ५० जना बालबालिकाहरुलाई नियमित पढाई लेखाई थप सहायोग पुग्ने आयोजक संस्थाको बुझाई छ । सो कार्यक्रममा आयोजक संस्था दलित समाज उत्थान समिति नेपालका कर्मचारी, अभिभावक लगायत स्थानीयबासीहरुको सहभागिता रहेको थियो ।