भंगहामा बाल बिकास सहजकर्तालाई अभिभावक शिक्षा तालिम सम्पन्न

4 महीना पहिले प्रकाशित

Smrititimes

जनकपुरधाम
साउन १९ गते ।
महोत्तरी जिल्लाको भंगहामा सामुदायिक विद्यालयका बालविकास सहजकर्तालाई तीन दिने अभिभावक शिक्षा तालिम सोमबार सम्पन्न भएको छ । शुक्रबार देखि सुरु भएको सो तालिममा सहभागी २५ बाल किास सहजकर्ताहरुलाई बालबालिकालाई विद्यालयमा टिकाउन कसरी खेल सामग्रीहरुको प्रयोग गर्ने भनने विषयमा तालिम प्रदान गरिएको थियो ।

गुड नेबर्स इन्टरनेशनल नेपालको आर्थिक तथा प्राविधिक सहयोगमा दलित समाज उत्थान समिति नेपाल महोत्तरीद्वारा सञ्चालित एकीकृत सामुदायिक विकास परियोजना अन्तर्गत भनहा नगरपालिकामा २३ वटा सामुदायिक विद्यालयका बाल विकास सहजकरण २५ जना बाल विकास सहजकर्ताहरूलाई सो तीन दिने अभिभावक शिक्षा तालिम सञ्चालन गरिएको थियो । सो तालिममा सहभागीहरुलाई प्रशिक्षकहरु राजीना स्याङतान तथा कृष्ण कुमार घिसिङले सहभागीबाल विकास सहजकर्ताहरुलाई प्राविधिक र शैक्षिक सीपका साथै घरायसी सामग्रीहरूकोे प्रयोगबाट खेलौना बनाउने सिप समेत सिकाउनु भएको थियो ।

सहभागीहरुलाई तालिम प्रदान गर्दै प्रशक्षिकहरुले नियमित रुपमा विद्यालय नआउने बालबालिकाहरुका अभिभावकहरु संग घरदैलो गरी उनिहरुलाई नियमित रुपमा आउन प्रोतसाहन गर्न समेत सिकाउनु भएको परियोजनाका फिल्ड अफिसर अन्जय ठाकुरले जानकारी दिनुभयो । तालिममा सहभागी सहजकर्ताहरुलाई कार्ययोजना सहित तालिम प्रदान गरिएको छ । भ.गहा नगरपालिकाका उपप्रमुख शान्तिकुमारी सिँहको अध्यक्षतामा भएको तालिमको समापन सत्रमा परियोजनाका कार्यक्रम संयोजक ऋतुराज ठाकुर, लेखा संयोजक राजु मंडल लगायतको उपस्थिती रहेको थियो ।