सामाजिक विकास तथा अनुसन्धान केन्द्रले गरे ३४औँ साधारण सभा सम्पन्न

5 महीना पहिले प्रकाशित

Smrititimes

जनकपुरधाम
भदौँ ८ गते । ः
बाल संरक्षण तथा महिला बालबालिकाका क्षेत्रमा काम गर्दै आएका सामाजिक विकास र अनुसन्धान केन्द्रकाको ३४औँ साधारण सभा एक कार्यक्रमका बीच शनिबार सम्पन्न भएको छ ।
शनिबार संस्थाको अध्यक्ष मञ्जु यादवको अध्यक्षतामा भएको उक्त साधारणसभामा बोल्दै प्रमुख अतिथि डीमैनका अध्यक्ष सूर्यबहादुर थापाले एकै उद्देश्यमा काम गर्ने सामाजिक संघ संस्थाहरुलाई मिलेर काम गर्न आग्रह गर्नुभयो । उहाँले एउटै उद्देश्यमा काम गर्ने सामाजिक संघ संस्थाहरु एकैठाउँमा आएर काम गर्दा त्यसको परिणाम पनि उत्कृष्ट आउने बताउनु भयो ।

साधारणसभामा संस्थाको वार्षिक प्रतिवेदनका साथै आर्थिक प्रतिवेदन प्रस्तुत गरिएको थियो । संस्थाको वार्षिक प्रतिवेदन सचिव सोनफी साह तथा आर्थिक प्रतिवेदन कोषध्यक्ष रामबाबु साहले प्रस्तुत गर्नुभएको थियो । संस्थाले आर्थिक वर्ष २०८१–८२ मा गरेका कार्यहरुका बारेमा कार्यक्रम संयोजक बिबश श्रेष्ठले जानकारी गराउनु भयो ।
सामाजिक विकास तथा अनुसन्धान केन्द्रको वार्षिक प्रतिवेदन अनुसार धनुषाको जनकनन्दनी गाउँपालिका तथा विदेह नगरपालिकामा सशक्त बालिका कार्यक्रम, सर्लाहीको धनकौल तथा चक्रघट्टा गाउँपालिकामा बाढी पीडित परिवारलाई राहत वितरण, धनुषाको सबैला नगरपालिकामा शुद्ध खानेपानी वितरण, युएन वुमेन र माइती नेपालको सहकार्यमा धनुषाको मिथिला विहारी नगरपालिका तथा धनुषाधाम नगरपालिकामा साहस परियोजना लगायतका योजनामा गत आर्थिक वर्षमा काम गरेको थियो ।

संस्थाले आगामी दिनमा कार्यायल व्यवस्थापन, एम्बुलेन्स सेवा सुचारु गर्ने, बालबालिकाको सशक्तिकरणका लागि पैरवी गर्ने सहितका योजनामा काम गर्ने अध्यक्ष मञ्जु यादवले जानकारी दिइन् । संस्थाले सशक्त बालिका र साहस परियोजानकालागि दातृ निकायबाट अनुदानमा सहयोग पाएको प्रतिवेदनमा उल्लेख छ ।
साधारणसभामा जिल्ला समन्वय समितिका सभापति राजनन्दन मण्डल, संस्थाका संस्थापक रामसिंह यादव, प्लान इन्टरनेशनलका पुर्व क्षेत्रीय कार्यालय प्रमुख रविशंकर पण्डित ,गैरसरकारी संस्था महासंघका सचिव रामचन्द्र साह, गैरसरकारी संस्था महासंघका केन्द्रीय सदस्य धीरेन्द्र सिंह लगायतकाले मन्तव्य राख्नु भएको थियो । कार्यक्रममा संस्थाका पदाधिकारी, कर्मचारी तथा समाजका अन्य व्यक्तित्वहरुको सहभागिता रहेको थियो ।