अपाङगता भएका मधेशी महिला र वालिकाहरुको सञ्जालका अगुवाहरुको पुर्नताजगी तालिम सुरु

4 महीना पहिले प्रकाशित

Smrititimes

जनकपुरधाम
कार्तिक २६ गते ।
अपाङगता भएका मधेशी महिला र बालिकाहरुको सञ्जालका सदस्यहरु संग योजना तथा क्षमता अभिबृद्धि सम्बन्धि तीन दिवसीय पुर्नताजगी तालिम बुधबार देखि जनकपुरधाममा सुरु भएको छ । समानता र समावेशीताका लागि मधेशी अपाङगता भएका व्यक्तिहरुको आवाज ः मधेशी आवाज मुल नाराका साथ मधेश प्रदेशका आठ वटै जिल्लाका दुई दर्जन भन्दा अपाङगता भएका व्यक्तिहरुलाई सो तालिममा सहभागी गराइएको छ ।

राष्ट्रिय अपाङग महिला पुनस्र्थापना केन्द्रको आयोजना , डिसेबलिटी राइट फन्डको सहयोग तथा नेपाल अपाङग महिला संघ बारा तथा अपाङग समाज जनकपुरको समन्वयमा सुरु भएको सो तालिमको पहिलो दिन उद्घाटन सत्रलाई समबोधन गर्दै प्रमुख अतिथि राष्ट्रिय अपाङ महासंघ मधेश प्रदेशका अध्यक्ष किरण पासमानले मधेशी अपाङगता भएका व्यक्तिहरुको अवस्था कमजोर रहेका बताउदै उनिहरुको अधिकारका लागि काम गरिरहेको बताउनु भयो ।

नेपालमा रहेका समग्र अपाङगता भएका व्यक्तिहरुको तुलनामा मधेशी अपाङगताका लागि आफु निरन्तर रुपमा काम गरिरहेको बताउनु भयो । सो तालिममा अपाङगता भएका विषयमा तालिममा जानकारी लिई समाजमा आफुहरुको अधिकारका लागि विभेदका विरुद्धमा सक्रिय हुन आग्रह गर्नुभयो । राष्ट्रिय अपाङग महिला पुनस्र्थापना केन्द्रका उपाध्यक्ष गुलाबती झाको अध्यक्षतामा भएको सो उद्घाटन सत्रमा बोल्दै अपाङग समाज जनकपुरका अध्यक्ष शत्रुधनलाल कर्णले मधेश प्रदेशको अपाङगता भएका व्यक्तिहरुको अवस्थाका बारेमा जानकारीका लागि भएको बताउनु भयो । सो तालिममा सहभागीहरलाई प्रशिक्षक द्वय किरण पासमान तथा कामदेव यादवले प्रशिक्षण दिनुभएको छ ।

सो तालिममा राष्ट्रिय निर्देशक समितिका सदस्य सन्जु भगत,अपाङग समाज जनकपुरका कार्यक्रम व्यवस्थापनक कामदेव यादव, जय प्रकाश ठाकुर,अपाङग समाज जनकपुरका उपाध्यक्ष सलमा खातुन,सहसचिव संगीता गुप्ता,स्माइनल इन्ज्युरी संघका सचिव अशोक कुमार धनकार लगायतका आठ वटै जिल्लाका अपाङगता भएका व्यक्तिहरुको सहभागिता रहेका छ ।