अपाङगता भएका मधेशी महिला र वालिकाहरुको सञ्जालका अगुवाहरुको पुर्नताजगी तालिम सम्पन्न

2 घन्टा पहिले प्रकाशित

Smrititimes

जनकपुरधाम
कार्तिक २८ गते ।
अपाङगता भएका मधेशी महिला र बालिकाहरुको सञ्जालका सदस्यहरु संग योजना तथा क्षमता अभिबृद्धि सम्बन्धि तीन दिवसीय पुर्नताजगी तालिम शुक्रबार सम्पन्न भएको छ । समानता र समावेशीताका लागि मधेशी अपाङगता भएका व्यक्तिहरुको आवाज ः मधेशी आवाज मुल नाराका साथ मधेश प्रदेशका आठ वटै जिल्लाका दुई दर्जन भन्दा अपाङगता भएका व्यक्तिहरुलाई सो तालिम प्रदान गरिएको छ ।

राष्ट्रिय अपाङग महिला पुनस्र्थापना केन्द्रको आयोजना, डिसेबलिटी राइट फन्डको सहयोग तथा नेपाल अपाङग महिला संघ बारा तथा अपाङग समाज जनकपुरको समन्वयमा भएको सो तालिमको समापन सत्रलाई सम्बोधन गर्दै प्रमुख अतिथि राष्ट्रिय अपाङ महासंघ मधेश प्रदेशका अध्यक्ष किरण पासमानले अपागता भित्रको विविधता बिच मधेशी अपागता भएका महिलाहरुको उत्थानका लागि धेरै काम गर्नु पर्ने आवश्यक्ता रहेको बताउनु भयो । प्रशिक्षकका रुपमा समेत रहनु भएका पासमानले सहभागीहरुलाई मधेशी अपागता भएका महिलाहरुलाई स्थानीय तहमा गई आना अधिकारका लागि आवाज उठाउन आग्रह गर्नु भयो ।

उहाँले नेपालमा रहेका समग्र अपाङगता भएका व्यक्तिहरुको तुलनामा मधेशी अपाङगताका लागि आफु निरन्तर रुपमा काम गरिरहेको बताउनु भयो । राष्ट्रिय अपाङग महिला पुनस्र्थापना केन्द्रका उपाध्यक्ष गुलाबती झाको अध्यक्षतामा भएको सो समापन सत्रलाई सम्बोधन गर्दै अपाङग समाज जनकपुरका अध्यक्ष शत्रुधनलाल कर्णले प्रदेश भरि मधेशी अपागता भएका महिलाहरुको लुज नेटवर्क गठन भएको जानकारी गराउदै सोको माध्यमले आफ्ना समस्याको समाधानका लागि सक्रिय हुन आग्रह गर्नु भयो । विभिन्न प्रकारका अपाङगता भएकाहरुलाई तीन दिन सम्म प्रशिक्षक द्वय किरण पासमान तथा कामदेव यादवले प्रशिक्षण दिनुभएको थियो ।

सो तालिमको समापन सत्रमा राष्ट्रिय निर्देशक समितिका सदस्य सन्जु भगत,अपाङग समाज जनकपुरका कार्यक्रम व्यवस्थापनक कामदेव यादव, जय प्रकाश ठाकुर,अपाङग समाज जनकपुरका उपाध्यक्ष सलमा खातुन,सहसचिव संगीता गुप्ता,स्माइनल इन्ज्युरी संघका सचिव अशोक कुमार धनकार लगायतका आठ वटै जिल्लाका अपाङगता भएका व्यक्तिहरुको सहभागिता रहेका थियो ।