सबैलामा नगर स्तरिय प्रारम्भिक बाल विकास समितिको बैठक सम्पन्न

6 महीना पहिले प्रकाशित

Smrititimes

जनकपुरधाम
मंसिर ३ गते ।

धनुषा जिल्लाको सबैलामा नगर स्तरिय प्रारम्भिक बाल विकास समितिको बैठक सम्पन्न भएको छ । बैठकमा नगरपालिकमा प्रारम्भिक बाल विकाससँग सम्वन्धित कृयाकलापहरुको प्रगति समिक्षा गरिएको थियो । प्लान इन्टरनेशनल नेपालको साझेदारीमा जानकी महिला जागरण समाजले संचालन गरिरहेको सशक्त वालिका परियोजना(जीएसएस) ले प्रारम्भिक वाल विकास र संरक्षणको विषयमाकाम गर्दै आएको छ ।
विशेष रुपमा सबैला नगरपालिकाको वडा नं. ९,१०,११ र १३ मा यो कार्यक्रम संचालित छ । कार्यक्रममा भएको प्रगति बारेमा परियोजनाको तर्फबाट कार्यक्रम संयोजक निकिता सिंह यादवले प्रस्तुति राख्नु भयो भने सबैला नगर पालिकाको स्वास्थ्य संयोजक गुलेश्वर गडेरीले स्वास्यको सुचकहरुमा कार्यक्रमले पारेको सकरात्मक कुराको चर्चा गर्नुभयो । गर्भवति जाँच र स्वास्य कार्यलयमा सुत्केरी गराउनेको संख्या बृद्घि भएको छ । आइरन चक्कि फोलिक एसिड खानको लागि महिलाहरु ले चासो वडाएका छन भने गर्भ जाँच गराउन पुरुष र सासुहरु समेत श्रीमति र बुहारीहरुलाई लियर आउन थालेका छन् ।

परियोजनाको संचालन अवधिमा मुख्य गरि अभिभावक शिक्षा ५२ वटा आमा समुह चली अन्तिम चरणमा छ भने ४ वटा बुवा समुहमा एक चरण संचालन भएको छ । पालिकाले प्रारम्भिक बाल विकासको रणनीति निर्माण गर्नको लागि चाडैनै कार्यशाला बैठक गरि सुरुवात गरिने , महिला विरुद्घको १६ दिने अभियानलाई संध संस्थाहरु सँग मिलेर मनाउने समेत निर्णय गरियो । बैठकको अध्यक्षता गर्नुभएको सबैला नगरपालिकाको प्रमुख कारीराम यादवले जानकी महिला जागरण समाजले संचालन गरेको परियोजनले प्रारम्भिक बाल विबास र बालिका संरक्षणको कार्यमा सहयोग पुगेको र पालिकाले आगामी दिनहरुमा सहकार्य गर्दै अमm प्रभावकारी सेवा प्रवाहमा स्वास्थ्य संस्थाका कर्मचारिहरुलाई निर्देशन तथा सुझाव दिनुभयो । उक्त कार्यक्रमा नगरपालिकाको स्वास्थ्य,सामाजिक विकास शाखा ,महिला बालबालिका शाखा प्रमुखहरु लगायतको उपस्थिती थियो ।