शंकर मावि धनौजीमा वक्तृत्वकला प्रतियोगिता सम्पन्न

6 महीना पहिले प्रकाशित

Smrititimes

जनकपुरधाम
मंसिर ५ गते ।
धनौजी गाउँपालिका वडा नं. २ स्थित शंकर माविमा शुक्रबार शान्तिका लागि युवाको भुमिका विषयक वक्तृत्वकला प्रतियोगिता सम्पन्न भएको छ । सो विद्यालयका प्रधानाध्यापक विजय कुमार मंडलको अध्यक्षतामा भएको वक्तृत्वकला प्रतियोगिताका विजेताहरुलाई सिल्ड कप वितरण गरिएको थियो ।

सपोर्ट नेपालको आयोजना तथा कुर्वे उस्ट्रोको सहयोगमा संचालित शसक्तिकरण परियोजना अन्तरगत सो विद्यालयमा भएको उक्त प्रतियोगितामा १५० मा १४१ अंक सहित प्रथम अमन मंडल भएका छन् भने ११४ अंक सहित दोस्रो स्थान अमित पासमान,१०९ अंक तेस्रो स्थान रिमा साह,सान्त्वना पुरस्कार १०७ अंक सहित भविश्य साह पाएका थिए ।

विजेताहरुलाई सो पालिकाका प्रमुख राजकुमार साह तथा विद्यलायका प्रधानाध्यापक विजय कुमार मंडलले अबिर तथा सिल्डका साह पुरस्कृत गर्नु भएको थियो । सो कार्यक्रममा बोल्दै धनोजी गाउँपालिकाका प्रमुख राजकुमार साहले सपोर्ट नेपालको सहयोगमा पालिकामा महतवपुर्ण कामहरु भईरहेको जानकारी गराउनु भयो ।

उहाँले सपोर्ट नेपालको सहयोगमा विद्यार्थीहरुलाई वक्तृत्वकलाको माध्यमले बोल्ने क्षमताको विकासमा सहयोग पुगेको बताउदै यसलाई विद्यालयले निरन्तरता दिनुपर्ने बताउनु भयो । विद्यार्थीहरुलाई पढाई प्रति ध्यान केन्द्रित गर्न आग्रह समेत गर्नु भयो ।

कार्यक्रममा विद्यालयका शिक्षक तथा विद्यार्थी गरी कुल ३०३ जनाको सहभागिता रहेको थियो । सो कार्यक्रममा शंकर मावि धनौजीका शिक्षकहरुको सक्रिय सहभागिता रहेको थियो । उक्त कार्यक्रमको सहजिकरण सशक्तिकरण परियोजनाका महोत्तरीका कार्यक्रम संयोजक प्रकाश ठाकुर तथा धनुषाका कार्यक्रम संयोजक शत्रुघन महतोले गर्नुभएको थियो ।