प्रविधिको सही प्रयोग सम्बन्धी वक्तृत्वकला प्रतियोगिता समपन्न गोगल प्रसाद नमुना माविकी आस्था झा प्रथम

6 महीना पहिले प्रकाशित

Smrititimes

जनकपुरधाम
मंसिर २४ ।
१६ दिने लैँगिक हिँसा विरुद्धको अभियान अन्तरगत बुधबार जनकपुरधामको याज्ञवल्क्य संस्कृत माविमा वक्तृत्वकला प्रतियोगिता सम्पन्न भएको छ । बेलायत सरकारको सहयोगमा पिपुल इन निड र दिब्य विकास स्रोत केन्द्रको साझेदारी तथा जनकपुरधाम उपमहानगरपालिकाको संयूक्त आयोजनामा ‘प्रविधिको सही प्रयोग गरौँ,लैँगिक हिँसा अन्त्य गरौँ ’ विषयमा भएको सो प्रतियोगितामा गोगलप्रसाद नमुना मावि बसहियाकी छात्रा आस्था झा प्रथम, आदर्श मावि विन्धीकी छात्रा राजनन्दनी ठाकुर द्वितिया तथा याज्ञवल्क्य संस्कृत माविका ओम चौधरी तृतिय भएका छन् ।

सो प्रतियोगितामा सहभागिता जनकपुरधाम उपमहानगरपालिकाका १४ वटा विद्यालयका २८ जना विद्यार्थीहरुले सहभागिता जनाएका थिए । प्रतियोगितामा प्रथम, द्वितिय तथा तृतिय भएका विद्यार्थीहरुलाई सिल्ड प्रदान गर्नुका साथै सहभागीहरुलाई सान्त्वना पुरस्कार स्वरुप मेडल प्रदान गरेको आयोजकले जनाएको छ ।

सहाभागीहरुलाई जनकपुरधाम उपमहानगरपालिकाका मेयर मनोज साह, शिक्षा, युवा तथा खेलकुद विकास शाखाका प्रमुख अन्जु पाण्डे, याज्ञवल्क्य संस्कृत माविका प्रधानाधयापक संजय झा,वडा नं. १० र २२ का वडाध्यक्षले पुरस्कृत गर्नुभएको थियो । सो प्रतियोगितामा सायौँको संख्यामा विद्यार्थीहरुको सहभागिता रहेको थियो ।