२ दिनक भीतर एसईईक परिणाम

2 महीना पहिले प्रकाशित

Smrititimes

२७ वैशाख, काठमाडौं । राष्ट्रिय परीक्षा बोर्ड माध्यमिक शिक्षा परीक्षा (एसईई) क परिणाम २ दिनक भीतर सार्वजनिक करबाक तैयारी कए रहल अछि । परीक्षा भेल १ महिनाक भीतर परिणाम सार्वजनिक करबाक लेल बोर्ड इन्ट्रीक काज पूरा कए कोनो प्रकारक त्रुटि नहि होए, ताहि लेल जाँच–पड़ताल (रुजु) क काज कए रहल अछि ।
‘हम परिणाम सार्वजनिक करबाक बहुत नजदीक पहुँच गेल छी । २ दिनमे परिणाम आबि जाएत । आइटी टीम काज कए रहल अछि,’ परीक्षा नियन्त्रक टुकराज अधिकारी कहलनि, ‘हम त्रुटिरहित परिणाम सार्वजनिक करब ।’ एहि बेर परीक्षा केन्द्रेमे उत्तरपुस्तिका जाँच कएल गेल छल, जाहिसँ परिणाम जल्दी सार्वजनिक करब सम्भव भेल अछि ।
‘शिक्षक सभक बहुत नीक सहभागिता रहल । परीक्षा केन्द्रेमे उत्तरपुस्तिका जाँच भेल । रणनीति परिवर्तन भेलाक कारण परिणाम जल्दी सार्वजनिक करबाक निर्णय लेल गेल अछि,’ नियन्त्रक अधिकारी कहलनि । आइटी टीम काज समाप्त केलाक बाद बोर्ड बैठकके तैयारी अछि । बोर्ड बैठक भेलाक बाद परिणाम सार्वजनिक कएल जाएत । एसईई परीक्षा गत चैत १९ सँ २९ गते धरि सञ्चालन भेल छल ।

एहि वर्ष परीक्षामे ५ लाख १२ हजार ४२१ विद्यार्थी फॉर्म भरने छलथि । जाहिमे नियमित दिस ४ लाख ४१ हजार ५६६ आ ग्रेड वृद्धि दिस ७० हजार ८५५ विद्यार्थी फॉर्म भरने छलथि । एहि मे २ लाख ५७ हजार ६१३ छात्रा, २ लाख ५४ हजार ८०१ छात्र आ अन्य ७ गोटे शामिल छथि ।