ओम आरसीएस स्कुलको २४औँ वार्षिकोत्सव विभिन्न कार्यक्रम गरी मनाइयो

56 मिनट पहिले प्रकाशित

Smrititimes

जनकपुरधाम
साउन २४ गते । जनकपुरधामस्थित ओम आरसीएस स्कुलको २४औँ वार्षिकोत्सव आइतबार विभिन्न कार्यक्रम गरी मनाइएको छ । विद्यालय परिसरमा शिक्षक, विद्यार्थी, अभिभावक लगायतको उपस्थितिमा वार्षिकोत्सव समारोह आयोजना गरिएको थियो । वार्षिकोत्सवको अवसरमा विद्यालयले वार्षिक परीक्षामा प्रथम, द्वितीय र तृतीय स्थान हासिल गरेका विभिन्न कक्षाका विद्यार्थीलाई मेडलसहित पुरस्कृत गरेको छ ।

उत्कृष्ट शैक्षिक उपलब्धि हासिल गरेका विद्यार्थीलाई प्रोत्साहन गर्ने उद्देश्यले पुरस्कार प्रदान गरिएको विद्यालयका शिक्षक शरद झाले जानकारी दिनुभयो । सो अवसरमा विद्यार्थीहरुले विद्यालयका वार्षिकोत्सवको महत्वका विषयमा मन्तव्य समेत राखेका थिए । त्यस्तै, विभिन्न कक्षाका कक्षा शिक्षकहरूलाई समेत सम्मान गरिएको थियो। विद्यालयमा शैक्षिक गतिविधि तथा विद्यार्थीको सिकाइमा योगदान पु¥याएका शिक्षकहरूको भूमिकाको कदर गर्दै सम्मान गरिएको विद्यालयले जनाएको छ ।यस अवसरमा विद्यालयमा सतयनारायण भगवानको पुजा समेत गरिएको थियो ।

विगत २३ वर्ष देखि जनकपुरधाममा गुणस्तरीय शिक्षाका साथै नैतिकता र संस्कृत उत्थानका लागि विद्यार्थीहरुमा साकारात्मकता ल्याउन प्रयासरत सो विद्यालयको वार्षिकोत्सवका अवसरमा विद्यार्थीहरुले सांस्कृति तथा मौलिकता झल्किने साँगीतिक कार्यक्रम समेत गरेका थिए । वार्षिकोत्सवकै अवसरमा विद्यालयले सामाजिक उत्तरदायित्वअन्तर्गत जनकपुरधामस्थित जानकी वृद्धाश्रमलाई खाद्यान्न सामग्री सहयोग गरेको छ। विद्यालयका निर्देशक अवधेश तिवारीका अनुसार वृद्धाश्रममा चामल, दाल, आलु, तेल लगायतका खाद्यान्न सामग्री वितरण गरिएको हो।