सतकबीर रसिक जीक आयोजनामे १५१म मासिक कविगोष्ठी जनकपुरमे सम्पन्न

1 घन्टा पहिले प्रकाशित

Smrititimes

जनकपुरधाम, २० भदौ । विगत एक सय ५१ महिना सँ अनवरत रुपमे संचालित मासिक कवि गोष्ठी शनिदिन सेहो जनकपुरधाममे सम्पन्न भेल अछि । प्रत्येक महिनाक तेसर शनिदिन होबउबला ओ कवि गोष्ठीमे आई सेहो जनकपुरधामक नव सँ पुरान कवि लोकनि सबके सक्रिय सहभागिता रहल छल । ओ कविगोष्ठीमे मैथिली भाषा, साहित्य, संस्कृति आ सिर्जनाक विभिन्न पक्ष पर विमर्श करैत साहित्यकारसभ अपन रचना प्रस्तुत कयलनि ।
कार्यक्रमक संयोजक काशीकान्त झा ‘रसिक’ कहलनि जे नियमित रूपसँ होइत आबि रहल मासिक कविगोष्ठी मैथिली साहित्यमा निरन्तर सिर्जनाक वातावरण निर्माण करबामे महत्वपूर्ण भूमिका खेलि रहल अछि ।
झाक अनुसार साहित्यिक गतिविधिकेँ निरन्तरता दैत नव पुस्ताकेँ मैथिली भाषा आ साहित्यसँ जोड़नाइ वर्तमान समयक प्रमुख आवश्यकता अछि ।
कृष्णाष्टमीक दिन १५१म श्रृंखलामे पहुँचल मासिक कविगोष्ठी कार्यक्रमक निरन्तरताक दृष्टिएँ सेहो महत्वपूर्ण रहल आयोजक पक्षक कथन अछि ।
मैथिली साहित्यमे नव सिर्जनाकेँ प्रोत्साहित करब आ स्रष्टासभकेँ अपन रचना प्रस्तुत करबाक अवसर देबाक उद्देश्यसँ मासिक कविगोष्ठीक आयोजन होइत आबि रहल अछि । कार्यक्रममे मैथिली भाषा आ साहित्यक वर्तमान अवस्था, सिर्जनाक नव प्रवृत्ति तथा साहित्यिक गतिविधिकेँ आरो प्रभावकारी बनेबाक विषय पर सेहो विचार–विमर्श कयल गेल । उक महिना पहिने एक सय ५० सम कवि गोष्ठी भव्यताक साथ सम्पन्न भेल छल ।