कक्षा ११ मा भर्नाका लागि श्रीराम प्लस टू क्याम्पसमा प्रवेश परीक्षा

3 वर्ष पहिले प्रकाशित

Smrititimes

जनकपुरधाम, ११ गते । विद्यार्थी भाइ-वहिनिहरूकाे स्तर उकास्न तथा शैक्षिक गुणस्तरीयतामा पहिचान स्थापित गर्न सफल जनकपुरधामस्थित श्रीराम प्लस टू क्याम्पसले कक्षा ११ मा भर्ना लिने विद्यार्थीहरुको प्रवेश परीक्षा लिएका छन् ।

गत ९ वर्षदेखि प्लस टू अन्तर्गत कक्षा ११ र १२ संचालन गर्दै आएका श्रीराम प्लस टू क्याम्पसले लिएको प्रवेश परीक्षामा कक्षा १० उत्तिर्ण गरेका करीब ३ सय विद्यार्थी सहभागी भएका छन् ।

सो प्रवेश परीक्षामा उत्तिर्ण गरेका मध्ये सबभन्दा उच्च मार्क ल्याउने विद्यार्थीलाई पूर्ण छात्रवृति र यी बाहेक क्रमांकगत रुपमा एकदेखि १० स्थानसम्मका विद्यार्थी र ए प्लस ग्रेड ल्याउनेलाई मासिक शुल्क निशुल्क सहितका छात्रवृति दिइने क्याम्पसका प्रिन्सिपल एवं व्यवथापक डा. सन्तोष कर्णले जानकारी दिए । उहांले शिक्षा अज्ञानरूपि तिमिरलाई पलायन गराउने प्रकाश पुंज हाे । शिक्षा विना मुलुककाे विकाश सम्भव मात्रै हैन असम्भव नै हाे भनि वताए ।

शिक्षामा कुनै किसिमको कम्परमाइज नगर्ने उद्देश्यले विद्यार्थीको क्षमता विकास र प्रतिष्पर्धी बनाउन प्रत्येक वर्ष सो क्याम्पसले कक्षा ११ मा भर्ना लिने विद्यार्थीलाई प्रवेश परीक्षा लिइदै आएको छ । प्लस टू क्याम्पसका संगै सो विद्यालयले कक्षा नर्सरीदेखि कक्षा १० सम्म सेकेण्ड्री तहका बोर्डिंग स्कूल समेत श्रीराम बोर्डिंग स्कूल संचालन गर्दै आएका छन् । साथै छात्रवासकाे पनि राम्रै व्यवस्था रहेकाे वताए ।

सो क्याम्पसमा अध्यापन गराउंदै आएको साइन्स, म्यानेजमेन्ट, एजुकेशन र ल नामांकनका लागि सम्पन्न प्रवेश परीक्षामा सहभागी विद्यार्थीहरु क्याम्पस व्यवस्थापनले नै संचालन गर्दै आएका बोर्डिँग स्कूलका २० प्रतिशत बाहिर अन्य विद्यालयका ८० प्रतिशत रहेका थिए ।