गोठकोयलपुरका किशोरीहरु सामाजिक रुपान्तरण तर्फ अग्रसर

1 वर्ष पहिले प्रकाशित

Smrititimes

जनकपुरधाम
असार १ गते ।
धनुषा जिल्लाको शहिदनगर नगरपालिका वडा नं. ९ गोठकोयलपुरका परिवर्तनका सम्बाहक किशोरीहरु सामाजिक रुपान्तरण तर्फ अग्रसर भएका छन् । गढीमाई परिवर्तनका सम्बाहक केन्द्र संग आवद्ध किशोरीहरुले किशोरावस्थामा भएको परिवर्तनलाई आत्मसाथ गरी सामाजिक रुपान्तरणका लागि काम गर्ने जनाएका छन् ।

प्लान इन्टरनेशन नेपालको साझेदारीमा सपोर्ट नेपालको आयोजनामा संचालित बालिका सशक्त परियोजना अन्तरगत गठित सो परिवर्तनका संबाहक सिओसी सहजकर्ताले हानिकारक परम्परागत सोच, व्यवहार र अभ्यासमा परिवर्तन ल्याउने , यौन तथा प्रजनन स्वास्त्य र अधिकार तथा महिनावारी स्वच्छता व्यवस्थापन सम्बन्धी व्यापक पाई त्यसलाई व्यवहारमा परिवर्तन सपोर्ट नेपालका फिल्ट सुपरभाइजर किरण साहले जानकारी दिनुभयो । गढीमाई परिवर्तनका सम्बाहक केन्द्रसंग आबद्ध सिओसीका अंकिता मुखियाले उक्त कक्षामा आफुले बालविवाह र महिनाबारीका विषयमा जानकारी पाएको बताईन ।

केन्द्र संग आबद्ध अर्का किशोरी कल्पना कुमारी दासले उक्त सीओसी कक्षामा महिनाबारीको बेला ६ घण्टा प्याड परिवर्तन गर्नुपर्ने,पोसिलो खाना खाने, बालविवाह नगर्ने, किशोरावस्थामा हुने परिवर्तनका बारेमा जानकारी पाएको बताईन । प्रत्येक सप्ताहको शनिबार संचालन हुने सो सिओसी कक्षामा सहभागीहरुलाई यस प्रकारको जानकारीहरु दिइने गरिएको छ । सिओसीमा सहभागी कक्षा किशोरी चन्द्रिका कुमारी महराले यो कक्षामा सहभागी हुनु भन्दा पहिला कसै संग बोल्न लाज मान्ने भएपनि अहिले आफुमा हिम्मत बढेको बताउदै आफ्नो शरीरमा हुने परिवर्तनका बारेमा राम्ररी जानकारी पाएको बताइन ।

कक्षामा सहभागी संगिता कुमारी महराले परिवार योजनाको बारेमा समेत जानकारी भएको बताइन । त्यस्तै सहभागी बबी कुमारी महराले शिक्षा सम्बनधी सडक नाटक समेत गरेकाले आफुलाई शिक्षाको महत्वका विषयमा जानकारी भएको बताइन । उक्त सिओसी कक्षामा सहभागी किशोरीहरुले आफुले सिकेका कुराहरुलाई व्यवहारमा लाग गर्ने प्रतिबद्धता जाहेर गरेकी छिन् । सिओसी सहजर्का इन्द्रिका कुमारी यादबले विगत १६ महिना देखि आफुले सिओसी कक्षा दुई चरण संचालन गर्दै आएको बताउनु भयो ।

पहिलो समुहमा १० देखि १५ वर्ष समुहका किशोरी तथा १६ वर्ष देखि २४ वर्ष समुहका महिलाहरु कक्षामा सहभागी भएको बताउनु भयो । यसरी सीओसी कक्षामा सहभागी किशोरी तथा महिलाहरुले सामाजिक रुपान्तरणका लागि काम गरी रहेको फिल्ड सुपरभाइजर साहले जानकारी दिनुभयो ।