प्रारम्भिक वालविकासमा वुवाको भुमिका सम्बन्धी सहजकर्तालाई तालिम प्रदान

8 महीना पहिले प्रकाशित

Smrititimes

जनकपुरधाम
असोज २८ गते ।
प्रारम्भिक वालविकासमा बुवाको भूमिका विषयमा सहजकर्तालाई जानकी महिला जागरण समाजले तीन दिवसीय तालिम जनकपुरधाममा मंगलबार सम्पन्न गरेको छ ।
प्लान इन्टरनेशनल नेपालको साझेदारीमा जानकी महिला जागरण समाज धनुषाको आयोजनामा भएको सो तालिममा सहभागीहरुलाई प्रारम्भिक बालविकासमा बुवाको भुमिका विषयमा जानकारी प्रदान गरिएको छ । धनुषाको ५ वटा पालिकाहरुमा चलिरहेको शसक्त वालिका परियोजना अन्तरगत अब देखी कार्यक्रम संचालन भएका वडामा पुरुष सत्र एक एक वटा संचालन गर्न लागेको संस्थाका कार्यक्रम अधिकृत खगेन्द्र दहालले जानकारी दिनुभयो ।

दुई वर्ष भन्दा कम उमेरको बच्चा भएको बुवाहरु २० देखि २५ जनाको समुहलाई लक्षित गरि नमुनाको रुपमा पुरुष सत्र संचालन गर्न लागेको कार्यक्रम संयोजक निमिता सिँह यादवले जानकारी दिनुभयो ।
अभिभावक शिक्षा कक्षा संचालन भैरहदा आमाहरु मात्र सहभागी भईरहेकाले बुवा सत्र संचालन गर्दा पर्ने स्वास्थ्य सुचकको साकारात्मक प्रभावको लागि यो प्रयासको सुरुवात गरिएको उहाँले जानकारी दिनुभयो ।

तालिममा सबैला नगरपालिका वडा नं. ९,१०,११,१२ त्यस्तै शहिदनगर नगरपालिका र कमला नगरपालिकाको स्वास्थ्यकमीृहरु र प्लान इन्टरनेशनल नेपालको साझेदार संस्थाहरु जानकी महिला जागरण समाज र सपोर्ट नेपालको फिल्ड सुपरभाइजरहरु २५ जनालाई यो तालिम प्रदान गरिएको थियो । तालिममा प्लान इन्टरनेशनल नेपालको प्राविधिक सल्लाहकार किरण भंण्डारी, सेतो गुराँस राष्ट्रिय बाल विकास सेवाका वरिष्ठ तालिम अधिकृत रमा थपलियाले तालिमको सहजिकरण गर्नुभएको थियो ।
उक्त तालिममा अगामी दिनमा चलाइने पुरुष सत्रको कार्ययोजना निर्माण गरियो भने तालिमको मेनुवल अनुसारको शुक्ष्म शिक्षण कार्य गरियो ।

प्लान इन्टरनेशनल नेपाल र सेतो गुराँस राष्ट्रिय बाल विकास सेवाको प्राविधिक सहयोगमा शिक्षा तथा मानव स्रोत विकास केन्द्रले निर्माण गरेको म्यानुअल समेत तयार गरिएको उहाँले जानकारी दिनुभयो । यस तालिमले घरमा अभिभावकको रुपमा रहेका बुवालाई प्रारम्भिक वालविकासको अवधारण देखि यसको महत्व र उपादेयताका साथै बालबालिकामा वुवाको भूमिका र जिम्मेबारी अनुभूती गराई बालबालिकाको सर्वागिंक विकासमा मदत पुग्ने विस्वास गरिएको छ ।
तालिम सत्रको समापन गर्दै जानकी महिला जागरण समाजका अध्यक्षले तालिम लिएपश्चात सहजकर्ताहरुले प्रभावकारी रुपमा संचालन गर्न विस्वास तथा शुभकामना दिनुभयो ।