गोगलप्रसाद नमुना माविका नयाँ भवन उद्घाटन

9 महीना पहिले प्रकाशित

Smrititimes

जनकपुरधाम
पुस २६ गते ।
गोगल प्रसाद नमुना मा.वि. जनकपुरधाम –२४,बसहियामा नवनिर्मित दुईकोठे कक्षाकोठा भवनको शनिवार एक कार्यक्रमका बिच उद्घाटन गरिएको छ । मधेस प्रदेश सरकारका शिक्षा तथा संस्कृति मन्त्रालयका मन्त्री रानी कुमारी तिवारीको प्रमुख आतिथ्यमा उक्त भवनको समुदघाटन कार्यक्रम सम्पन्न भएको छ ।

सो विद्यालयका विद्यालय व्यवस्थापन समितिका अध्यक्ष सत्रुघ्न प्रसादको अध्यक्षतामा सम्पन्न सो कार्यक्रममा वडा नं.२४ का वडा अध्यक्ष , प्र.अ. महावीर दास, वडा सदस्यहरुरु, विद्यालय व्यवस्थापन समितिका सदस्यहरु, पुर्व वि.व्य.स. अध्यक्ष हरु,पुर्व प्र.अहरु, बिद्यालय चन्दादाता परिवारका सदस्यहरु, वडाका समाजसेवी बुद्धिजीवीहरु,राजनीतिक दलका प्रतिनिधिहरु, शिक्षक,विद्यार्थी र अभिभावकहरुको उपस्थितिरहेको थियो ।

उक्त भवन उद्घाटन समारोहमा सो विद्यालयमा अध्ययन गरेका बिद्यार्थी २०८२ को एमवीवीएसमा पूर्ण छात्रवृत्तिमा नाम निकाल्न सफल पवनदेव माझीलाई नगद रु.५१ हजार एवम् सम्मान पत्र प्रमुख अतिथीको हातबाट प्रदान गरिएको सो विद्यालयका शिक्षक तथा विाहन सिप्टका इन्चार्ज अनिल कुमार लाल कर्णले जानकारी दिनुभयो ।

साथै अतिरिक्त क्रियाकलापमा उत्कृष्ट स्थान प्राप्त गर्ने कक्षा १० मा अध्ययनरत विधार्थी आस्था झालाई नगद रु.५ हजार तथा एक ओटा अक्स्फोर्ड डिक्सनरी एवम् सम्मान पत्र प्रदान गरिएको उहाँले जानकारी दिनुभयो ।