धनौजीमा विद्यार्थी भर्ना अभियान अन्तरगत घरदैलो गरियो

2 महीना पहिले प्रकाशित

Smrititimes

जनकपुरधाम
बैसाख १६ गते । नयाँ शैक्षिक सत्र सुरु भएसँगै धनुषाको जनौजी गाउाँपालिकामा विद्यार्थी भर्ना अभियान अन्तरगत घरदेलो कार्यक्रम गरिएको छ । सो पालिकाको वडा नं.२ स्थित शंकर माविमा कक्षा ५ सम्म अंग्रेजी माध्यममा पढाई सुरु भएको जानकारी सहित घरदैलो कार्यक्रम गरिएको हो । वडा नं. २ का वडाध्यक्ष उदय कुमार साहको अध्यक्षता तथा पालिका प्रमुख राजकुमार साहको प्रमुख आतिथ्यमा भएको सो घरदैलो तथा भर्ना अभियानमा विद्यालयका प्रधानाध्यापक विजय मंडलको सहकार्य रहेको थियो ।

विद्यालय प्राङगनबाट सायौँ विद्यार्थी, शिक्षक तथा समन्वयकर्ता दुर्गा टोल विकास संस्थाको समन्वयमा निस्केको घरदैलो कार्यक्रम वडा नं. २ का विभिन्न टोल गल्ली हुदै वडा नं. ३ झोझी कटैयाका विभिन्न टोल सम्म पुगेको सहयोगी संसथा सपोर्ट नेपालका सशक्तिकरण परियोजनाका धनुषाका कार्यक्रम संयोजक सत्रुघन महतोले जानकारी दिनुभयो । सपोर्ट नेपालको आयोजना तथा कुर्वे उस्त्रोेको सहयोगमा संचालित सशक्तिकरण परियोजना अन्तरगत धनौजीमा भएको सो विद्यार्थी भर्ना अभियानमा सहजीकरण गरिएको छ ।

घरदैलो कार्यक्रममा सहभागीहरुले विद्यार्थी भर्ना अभियान संग संम्बन्धित प्लेकार्ड सहित टोलबस्तीहरुको पुगेको कार्यक्रमका सहजीकरण गरिरहेको परियोजनाका महोत्तरी कार्यक्रम संयोजक प्रकाश ठाकुरले जानकारी दिनुभयो ।

अभियानका क्रममा टोलीले अभिभावकसँग छलफल गर्दै बालबालिकालाई शिक्षा दिलाउनुको महत्वबारे जानकारी गराइ एको थियो। आर्थिक अवस्था कमजोर भएका तथा विभिन्न कारणले विद्यालय छोडेका बालबालिकालाई पुनः विद्यालय फर्काउन घरदैलो कार्यक्रममा जोड दिइएको छ । सो कार्यक्रममा शंकर माविका शिक्षकहरु,दुर्गा टोल विकास संस्था धनौजीका पदाधिकारीहरु, सपोर्ट नेपालका सदस्य समिन घिमिरे, स्थानीयबासीहरुको सहभागिता रहेको थियो ।