नगराईन नगरपालिकामे विश्व स्तनपान सप्ताहक अवसर पर जनचेतनामूलक कार्यक्रम सम्पन्न

4 दिन पहिले प्रकाशित

Smrititimes

नगराईन, साउन २१ गते । “दिगो जीवनक स्वस्थ शुरुआत ः प्रभावकारी स्तनपान लेल सभक साथ” भन्ने मूल नाराक संग विश्व स्तनपान सप्ताह (साउन १६ सँ २२, २०८३) क अवसर पर नगराईन नगरपालिका अन्तर्गत स्वास्थ्य चौकी लगमागढागुठीमे विभिन्न जनचेतनामूलक कार्यक्रमक आयोजना कएल गेल ।
कार्यक्रममे गर्भवती तथा सुत्केरी महिलासभ, स्वास्थ्यकर्मी आ स्थानीय समुदायक सहभागितामे स्तनपानक महत्व, नवजात शिशुके जन्मक एक घण्टाभित्र स्तनपान शुरू करबाक आवश्यकता, छह मास धरि केवल आमाक दूध पिआबयक लाभ तथा दू वर्ष वा ताहिसँ बेसी समय धरि पूरक आहारक संग स्तनपान जारी रखबाक विषयमे जानकारी देल गेल ।

स्वास्थ्यकर्मीसभ स्तनपानसँ शिशुक शारीरिक तथा मानसिक विकास सुदृढ़ होइत अछि, रोग प्रतिरोधात्मक क्षमता बढ़ैत अछि आ मातृ स्वास्थ्योमे सकारात्मक प्रभाव पड़ैत अछि, एहि विषय पर सहभागीसभके विस्तृत जानकारी देलनि।

नगराइन नगरपालिकाक अनुसार विश्व स्तनपान सप्ताहक अवसर पर आयोजित कार्यक्रमसभक माध्यमसँ स्तनपान सम्बन्धी जनचेतना अभिवृद्धि करबाक आ स्वस्थ समाज निर्माणमे योगदान पु¥याबयक उद्देश्य राखल गेल अछि । कार्यक्रमक क्रममे सहभागीसभके स्तनपानक महत्वबारे जानकारी देल गेल तथा जनचेतनामूलक गतिविधिसभ सेहो सम्पन्न भेल ।