शिक्षा नीतिमा सुधारका लागि शिक्षा मन्त्री र सचिवलाई सुझाब पत्र

2 वर्ष पहिले प्रकाशित

Smrititimes

जनकपुरधाम
मंसिर ७ गते ।
प्रदेश सरकारले बनाउन लागेको शिक्षा नीतिलाई थप प्रभावकारी बनाउन दलित जनजाति उत्थान केन्द्रले शुक्रबार मधेश प्रदेशका शिक्षा तथा सस्कृति मन्त्री रानी शर्मा तिवारी सुझाव पत्र बुझाएका छन् । शिक्षा नीतिमा सुधारका लागि शिक्षा मन्त्री र सचिवलाई सुझाब पत्रस.सथाका कार्यकारी निर्देशक ओम प्रकाश ठाकुरको अगुवाईमा गएको समुहले मन्त्रालयका सचिव दिलिप ठाकुरलाई समेत सो सुझाब पत्र बुझाएका हुन ।

वारा जिल्लाका स्थानीय तहका शिक्षा शाखाका प्रमुखहरु संगको सहकार्यमा तयार पारेका सुधावपत्र बुझाएका हुन । उक्त सुझाब पत्र बुझ्दै मन्त्री शर्माले केहि दिनमै प्रदेश सरकारले बनाउन लागेको शिक्षा नीतिलाई यो सुझाब पत्रमा उल्लेख भएका कुराहरु समावेश गर्ने आश्वासन दिनुभयो ।

सुझाब पत्रमा उल्लेख भएका बुँदाहरु मध्ये समावेशिता र समानता अन्तरगत पिछडिएका समुदायका लागि शिक्षामा पहुँच बढाउन लक्षित कार्यक्रमहरुको विकास गर्ने,स्थानीय भाषा र संस्कृति संवेदनशिलता अन्तरगत स्थानीय स्तरमा बोल्ने भाषामा शिक्षण सुबिधाका लागि नीति लागु गर्नुपर्ने, भर्ना बृद्धि दर र विद्यालय छोड्ने दर घटाउने उपाय अपनाउने,विद्यालयहरुमा पहुँच युक्त पुर्वाधार निर्माण गरी शैक्षिक प्रविधिको पहुँच विस्तार गर्न डिजिटल पुर्वाधार विस्तार गर्ने,सार्वजनिक नीजि साझेदारी , शिक्षामा स्थानीय सरकारको अधिकारमा कटौती लगायतका विषय समेटी तयार पारिएको सुझावपत्र बुझाइएको कार्यकारी निर्देशक ठाकुरले जानकारी दिनुभयो ।